पेट्रोलियम पदार्थको मूल्यवृद्धि फिर्ता लिन नेविसंघको माग

७ माघ, काठमाडौ । नेपाली काँग्रेस वी पी निकट नेपाल विद्यार्थी संघले पेट्रोलियम पदार्थमा मुल्य वृद्धि फिर्ता लिन माग गरेको छ ।

संघले बुधबार विज्ञप्ति जारी गर्दै कोरोनाका कारण जनता अप्ठ्यारोमा रहेको, व्यापार व्यवसाय खस्केको र रोजगारी गुमेको अवस्थामा पेट्रोलियम पदार्थको मूल्यवृद्धि ठीक नभएको भन्दै फिर्ता लिन माग गरेको हो।

विज्ञप्तिमा पेट्रोलियम पदार्थको मूल्यवृद्धि तत्काल फिर्ता नभए आन्दोलन गर्ने चेतावनी दिइएको छ। नेपाल आयल निगमले सोमबारदेखि लागू हुने गरी स्वचालित मूल्य प्रणालीअनुसार पेट्रोल, डिजेल र मट्टीतेलमा २ /२ रुपैयाँ बढाएको छ।

नेविसंघको मागलाई सुनाई नगरीए कडा भन्दा कडा आन्दोलनका कदम चाल्न बाध्य र त्यस अवस्थाको जिम्मेवार नेपाल सरकार र सरकारको स्वामित्वमा रहेको नेपाल आयल निगम स्वयम हुने चेतावनी दिएको छ ।