इजलासमा महान्यायाधिवक्ताले पेश गरे विघटनको सुचना

९ माघ, काठमाडौं । आज बसेको सर्वोच्च अदालतको संवैधानिक इजलासमा महान्यायाधिवक्ता अग्नि खरेलले प्रतिनिधिसभा विघटनको सूचना पेश गरेका छन् ।

बिहीबार संसद विघटनको मुद्दामाथि बहसका क्रममा रिट निवेदकका वकिलले संसद विघटन सदर गरेको  सुचना राजपत्रमा प्रकाशित नभएको भन्दै प्रश्न उठाएपछि इजलाससमक्ष आज उक्त सूचना पेश भएको हाे ।

अधिवक्ता ओमप्रकाश अर्याल र टीकाराम भट्टराईले बिहीबारको सुनुवाइका क्रममा राष्ट्रपतिले संसद विघटन सदर गरेपछि राजपत्रमा सुचना प्रकाशित समेत नगरेको भन्द‌ै बहस गरेका थिए ।

प्रधानमन्त्री तथा मन्त्रिपरिषद्को सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधि सभा विघटन गरेकी थिइन्। संसद विघटनपछि सर्वाेच्चमा परेकाे रिटमाथि पक्ष र विपक्षका वकिलहरूले संवैधानिक इजलासमा बहस गरिररहेका छन् ।