डिम्याट खाताको संख्या २६ लाख नाघ्यो, एक सातामै करिब डेढ लाखले वृद्धि

९ माघ, काठमाडौं । आजकाल चिया चौतारादेखि कलेज, अफिशतिर आईपीओको चर्चा हुने गरेको छ । पहिले पहिले दुई जना जम्मा भएको ठाँउमा राजनीतिक चर्चा हुन्थयो भने, अहिले शेयर बजारको चर्चा सुन्न पाइन्छ । लामो समयसम्मको लकडाउन र निषेधाज्ञाका कारण आवतजावत गर्ने अवस्था थिएन ।

व्यापार व्यवसाय ठप्प भए । कयौंले रोजगारी समेत गुमाए । पूर्णरुपमा आवतजावतको अवस्था नरहेपछि मान्छेसँग प्रसस्त समय भयो । उक्त समयमा मान्छेलाइ शेयर बजारको बारेमा अध्यन गर्ने समय मिल्यो । अवस्था सामान्य बन्दै जादा मान्छेले जसपश्चात पैशा हुनेहरुले लगानीको क्षेत्र खोज्न थाले ।

अन्यन्त्र लगानीको राम्रो अवस्था नहुँदा ठूला घरानीया शेयर बजारमा लगानी गर्न थालेको सरोबारवाला बताउँछन् । यतिबेला प्राथमिक शेयर होस वा दोस्रो बजारमा आम लगानीकर्ताकाे निकै नै आकर्षण देखिन्छ ।

पछिल्लो समय प्राथमिक बजारको आईपीओमा होस वा दोस्रो बजार कारोबारले दिनैपिच्छे नयाँ रेकर्ड राख्न सफल भएको छ । अहिले प्राथमिक बजारमा निष्कासन हुने आईपीओहरूमा १५ लाख बढिले आवेदन भर्न थालेको छन भने, दोस्रो बजारको दैनिक कारोबार र इन्डेक्स नयाँ रेकर्ड बनाउन सफल भएको अवस्था छ । शेयर लगानी गर्न डिम्याट खाता आवश्यक हुने हुँदा यतिबेला डिम्याट खाता खोल्नेको संख्यामा समेत उल्लेख्य बढेको छ ।

यतिबेला डिम्याट खाताको संख्या २६ लाख ३१ हजार २ सय ४७ पुगेको छ । सिडिएस एण्ड क्लियरिङ्ग लिमिटेडका प्रवक्ता सुरेश नौपाने दिएको जानकारी अनुसार माघ ९ गतेसम्म उक्त संख्यामा डिम्याट खाता खोलिएको हो ।

पछिल्लो समय डिम्याट खाताको संख्या सातामा १ लाखले बढेको छ । पुस २१ गतेसम्म २३ लाख ७५ हजार ४०८ रहेको यो संख्या एक सातामै १ लाख २४ हजार ९३७ ले बढेको थियो भने, माघ १ गतेदेखि ९ गतेसम्म १ लाख २७ हजार ९ सय ५७ ले बढेको हो ।

धितोपत्र कारोबारमा अनिवार्य बनेको डिम्याट खाता विशेष गरी प्राथमिक बजारका लागि खुलेको पाईन्छ । धितोपत्र दोस्रो बजारमा ४ लाखभन्दा बढी मात्र लगानीकर्ता सहभागी रहेकोमा प्राथमिक बजारमा करीब १३ लाख लगानीकर्ता सहभागी भएको तथ्याङ्क छ ।

पछिल्लो समय चन्द्रागिरी हिल्सको आईपीओमा करीब १२ लाख लगानीकर्ताहरुले आवेदन दिएका थिए । भाग्य चिट्ठाको भरमा आईपीओ पर्ने अहिलेको प्राथमिक बजारमा सबैको भाग पुग्ने गरी नेपाल इन्फ्रास्ट्रक्चर बैंकले ८ अर्बको आईपीओ विक्री खुल्ला गरेकोमा १५ लाख बढि आवेदकले आईपीओ भरेका छन् । उक्त कम्पनीको आईपीओमा यस अघिको रेकर्डलाई पनि ब्रेक गरेको छ ।

नेपाल इन्फ्रास्ट्रक्चरको आईपीओ कै कारण पनि पछिल्लो समय डिम्याटको संख्यामा उल्लेख्य वृद्धि भएको विक्री प्रबन्धक एनआईबिएल एस क्यापिटलले बताएको छ । प्रविधिमैत्री बनिसकेको प्राथमिक बजारमा हाल आवेदन दिन निकै नै सहज भएको छ ।

सिडिएस एण्ड क्लियरिङ लिमिटेडले पनि १३ लाख आवेदनलाई सहजै स्वीकार गर्ने गरी मेरोशेयर सफ्टवेयरलाई थप प्रभावकारी बनाईसकेको छ ।

केहि समयअघि ३ लाख आवेदन पनि सहज तरिकाले स्वीकार नगरेको सिडिएससीको मेरोशेयर सफ्टवेयरको क्षमता पछिल्लो समय प्रभावकारी सावित भएको छ । आम लगानीकर्ताको सहजताका लागि सिडिएससीले मेरोशेयर मोवाइल एपसमेत सञ्चालनमा ल्याएको छ ।