ओलीको अभिव्यक्तिविरुद्ध बारका पूर्व अध्यक्षहरुको वक्तव्य

११ माघ, काठमाडौं । प्रधानमन्त्री केपी ओलीले न्यायिक क्षेत्रलाई प्रभावित हुनेगरी जथाभावी बोल्न थालको भन्दै आज नेपाल बार एसोसिएसनका पूर्व अध्यक्षहरुले त्यसको भत्र्सना गरेका छन् । प्रधानमन्त्री ओलीले अस्ती शुक्रबार आयोजित एउटा पेशाकर्मीहरुको भेलामा अभिव्यक्त गरेको भनाईले न्यायकर्मीको हुर्मत लिने काम गरेको भन्दै आपत्ति जनाइएको हो ।

नेपाली कानून व्यावसायीहरुमध्ये सबैभन्दा जेष्ठ कृष्णप्रसाद भण्डारीले सर्वाेच्च अदालतमा ओलीले गरेको प्रतिनिधिसभा विघटन असंवैधानिक भनी बहसपैरवी गरेको सन्दर्भलाई बाजे वकिललाई सर्वाेच्च अदालत लगेर तमासा गरिएको अभिव्यक्ति दिएका थिए ।

प्रधानमन्त्री ओलीको यस्तो अभिव्यक्तिले समग्र न्यायिक क्षेत्रकै घोर अपमान गरेको छ भन्दै विज्ञप्तिमा यसले सबै कानून व्यवसायीको पेशागत मर्यादामा समेत चोट पुगेको उल्लेख छ । वरिष्ठ अधिवक्तासमेत रहेका चारैजना पूर्व अध्यक्षहरुमा शम्भु थापा, हरिहर दाहाल, प्रेमबहादुर खड्का र शेरबहादुर केसी रहेका छन् ।

प्रधानमन्त्रीको अभिव्यक्ति सत्तापक्षको निर्लज्ज प्रहार हो र यो प्रवृत्तिलाई परास्त गर्न सबै पेशाकर्मी एकजुट हुनु आवश्यक छ– उनीहरुको निश्कर्ष छ । २०१३ सालदेखि संस्थागत भएको नेपाली कानून व्यावसायीहरुलाई तमासा गर्नेको उपमा दिएर प्रधानमन्त्रीले सबैको अपमान र मान मर्दन गरेका छन्, राजतन्त्रमा समेत कानून व्यवसायीको यस्तो अपमान गरिएको थिएन– विज्ञप्तिमा उल्लेख छ ।