उपराष्ट्रपति निवासमा प्रचण्ड र बाबुरामको अर्थपूर्ण भेट
नेपालबहस संवाददाता
माघ ११, २०७७ आइतबार २२:२३:२३
११ माघ, काठमाडौं । नेकपा (माधव–प्रचण्ड) समूहका अध्यक्ष पुष्पकमल दाहालले गत शुक्रबार भृकुटीमण्डपको आमसभा सिध्याएर उपराष्ट्रपति कार्यालयमा पुगेर डा. बाबुरामसँग भेटघाट गरेका छन् । सो बेला प्रचण्ड र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच गोप्य छलफल भएको उपराष्ट्रपति स्रोतले जनाएको छ ।
नेकपा काठमाडौंको विरोधसभा सकिएलगत्तै उपराष्ट्रपति नन्दबहादुर पुनलाई साक्षी राखेर पूर्व माओवादीका दुई शीर्ष नेताबीच छलफल भएको स्रोतले दावी गरेको छ । उपराष्ट्रपति निवासमा प्रचण्ड र बाबुरामबीच करिब डेढ घण्टा छलफल भएको स्रोतले बतायो । स्रोतका अनुसार प्रचण्ड उपराष्ट्रपति निवासमा डा. भट्टाराईसँग करिब डेढ घण्टा विताएका थिए ।
प्रचण्ड लैनचौरस्थित उपराष्ट्रपति निवासमा पौने पाँच बजे पुगेका थिए भने त्यसलगत्तै बाबुराम पनि त्यहाँ पुगेका थिए । उनीहरु साढे ६ बजे लैनचौरबाट बाहिरिएको स्रोतले बतायो ।
सत्तारुढ दल नेकपा औपचारिक रुपमा विभाजन नभएपनि दुईगुटमा स्पष्ट रुपमा विभाजन भइसकेको बेला पूर्व माओवादीका शीर्ष नेताहरुबीच भएको यो छलफललाई महत्वपूर्ण मानिएको छ । उनीहरुबीच के कुरा भयो भन्नेबारे केही खुलाइएको छैन् । उनीहरुबीच भेट भएको उपराष्ट्रपति कार्यालय निकट स्रोतले पुष्टि गरेको छ ।
प्रतिनिधिसभा विघटनविरुद्ध यतिबेला नेकपा (माधव–प्रचण्ड) समूह र जनता समाजवादी पार्टीले छुट्टाछुट्टै आन्दोलन गरिरहेको छ । दुबै पार्टीका नेताहरुले सँयुक्त आन्दोलन गर्नुपर्ने बताइरहेका छन । तर, नेकपा विभाजन नभइसकेकाले संयुक्त आन्दोलन भने हुन सकिरहेको छैन । यो भेटले संयुक्त आन्दोलनबारे नयाँ आधार बन्न सक्ने विश्लेषण गरिएको छ ।
केहीदिन अघिदेखि माधव प्रचण्ड समूहले जनता समाजवादी पार्टीसँग आन्दोलनको सहकार्य गर्ने प्रस्ताव राखेको थियो । सो प्रस्तावको लगत्तै प्रचण्डले शेरबहादुर देउवालाई प्रधानमन्त्री स्वीकार्न कुनै गाह्रो नहुने बताएका थिए । जनता समाजवादी पार्टीमा विवाद आएको बेला प्रचण्डले कांग्रेसलाई प्रधानमन्त्री स्वीकार्ने अभिव्यक्ति दिदा बाबुरामसँग भेटघाट हुनलाई राजनीतिक रुपमा अर्थपूर्ण मानिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपठेकेदारले कामको गुणस्तर र समयभन्दा बक्यौता भुक्तानीमा मात्र ध्यान दिएः प्रधानमन्त्री
चैत १६, २०८० शुक्रबार
बनेपा हाट बजार अवलोकन गर्दै प्रजिअ शर्मा
चैत १६, २०८० शुक्रबार
कांग्रेसको सहकारी विभागमा १० जना मनोनयन
चैत १६, २०८० शुक्रबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
आइतबारबाट विशेष अदालतमा अनलाइनबाटै मुद्दाको सुनुवाइ हुने
चैत १६, २०८० शुक्रबार
आयरल्याण्ड वुल्भ्सले नेपाललाई दियो २२३ रनको लक्ष्य
चैत १६, २०८० शुक्रबार
छिल्लीकोटबासीको मुख्य आम्दानीको स्रोत माडागेडी
चैत १६, २०८० शुक्रबार
लागुऔषध कोकिनको कारोबारमा संलग्न दुईजना पक्राउ
चैत १६, २०८० शुक्रबार
कपनबाट पेस्तोलसहित एकजना पक्राउ
चैत १६, २०८० शुक्रबार