आरएमडिसी लघुवित्तको खुद नाफा २१.४९ प्रतिशत घट्यो, कर्जा लगानी भने बढ्यो
नेपालबहस संवाददाता
माघ १३, २०७७ मंगलबार १७:१:४१
१३ माघ, काठमाडौं । आरएमडिसी लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ । उक्त विवरण अनुसार लघुवित्तको खुद नाफा घटेको गरेको छ।
चालु आर्थिक वर्षको पुष मसान्तसम्ममा लघुवित्तले ११ करोड ४७ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा २१.४९ प्रतिशत कम हो। गत आर्थिक वर्षको सोही अवधिसम्ममा लघुवित्तले १४ करोड ६१ लाख रपैयाँ खुद नाफा कमाएको थियो। लघुवित्तको खुद ब्याज आम्दानी घटेपछि खुद नाफा पनि घट्न पुगेको हो।
यस अवधिमा लघुवित्तको खुद ब्याज आम्दानी ३ करोड २१ लाख रुपैयाँ घटेर २० करोड १२ लाख रुपैयाँमा सीमित भएको छ। त्यसैगरी, लघुवित्तको सञ्चालन मुनाफा ४ करोड ६४ लाख रुपैयाँ घटेर १८ करोड १९ लाख रुपैयाँमा ओर्लिएको छ।
पुष मसान्तसम्ममा लघुवित्तले ७ अर्ब ७६ करोड ८२ लाख रुपैयाँ सापटीबाट ९ अर्ब ६४ करोड १० लाख रुपैयाँ कर्जा प्रवाह गरेको छ। गत आर्थिक वर्षको सोही अवधिसम्ममा लघुवित्तले ७ अर्ब २१ करोड सापटीबाट ७ अर्ब ८२ करोड रुपैयाँ कर्जा लगानी गरेको थियो।
कर्जा लगानीसँगै लघुवित्तको निष्क्रिय कर्जा पनि केही बढेको छ। समीक्षा अवधिमा लघुवित्तको यस्तो कर्जा शून्य प्रतिशतबाट बढेर ०.०६०५ प्रतिशत पुगेको छ। यससँगै लघुवित्तले सम्भावित जोखिम बापतको व्यवस्थामा १ करोड ७० लाख रुपैयाँ छुट्याएको छ।
१ अर्ब ३ करोड ४२ लाख रुपैयाँ चुक्ता पूँजी रहेको यस लघुवित्तको जगेडा कोषमा १ अर्ब ६३ करोड रुपैयाँ सञ्चित छ। गत आर्थिक वर्षको सोही अवधिसम्ममा लघुवित्तको चुक्ता पूँजी ८९ करोड ९३ लाख रुपैयाँ हुँदा जगेडा कोषमा १ अर्ब ५५ करोड रुपैयाँ सञ्चित थियो।
पुष मसान्तसम्ममा लघुवित्तको वार्षिक प्रतिशेयर आम्दानी २२ रुपैयाँ १९ पैसा रहेको छ भने प्रतिशेयर नेटवर्थ २५८ रुपैयाँ २३ पैसा रहेको छ। त्यसैगरी, लघुवित्तको मूल्य आम्दानी अनुपात ५२.७३ गुणा रहेको छ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपडिप्रोक्स लघुवित्तको लाभांश सुरक्षित गर्ने अन्तिम दिन कहिले ?
चैत १४, २०८० बुधबार
आरम्भ चौतारी लघुवित्तको कहिले बस्दैछ साधारणसभा ?
चैत १४, २०८० बुधबार
सपोर्ट लघुवित्तले बोनस शेयर दिने, पुनः दोस्रोपटक साधारणसभा आह्वान
चैत १३, २०८० मंगलबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
सिराहामा बाहिरियो नेपाली विषयको प्रश्न पत्र
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार
क्रिप्टो संस्थापक ब्याङ्म्यान–फ्राइडलाई २५ वर्ष जेल सजाय
चैत १६, २०८० शुक्रबार