१९ जीवन बीमा कम्पनीमध्येमा नेपाल लाइफ इन्स्योरेन्सले आर्जन गर्याे सबैभन्दा बढी बीमाशुल्क, अन्य कुनको कति ?

१३ माघ, काठमाडौं । चालु आर्थिक बर्षको दोस्रो त्रैमाससम्म जीवन बीमा कम्पनीहरु मध्येमा नेपाल लाइफ इन्स्योरेन्सले सबैभन्दा बढी बीमाशुल्क आर्जन गरेको छ ।

दोस्रो त्रैमासमा कम्पनीले १७ अर्ब ६२ करोड रुपैयाँ प्रथम बीमाशुल्क आर्जन गर्न सफल भएको हाे । बीमा समितिको तथ्याङ अनुसार हाल संचालनमा रहेका १९ जीवन बीमा कम्पनीहरुले ६ महिनाको अवधिमा ६३ अर्ब २० करोड रुपैयाँ प्रथम बीमाशुल्क आर्जन गरेका छन् ।

त्यस्तै, दोस्रो स्थानमा रहेको लाइफ इन्स्योरेन्स कर्पोरेसन (एलआईसी) नेपालले ९ अर्ब ६१ करोड रुपैयाँ बीमाशुल्क संकलन गरेको छ ।

तेस्रो स्थानलाई राष्ट्रिय बीमा संस्थानले कायमै राख्दै यो अवधिमा ५ अर्ब ८१ करोड, नेशनल लाइफ इन्स्योरेन्सले बीमाशुल्क संकलनमा चौथो स्थान कायम राख्दै ५ अर्ब ५४ करोड, युनियन लाइफले नयाँ बीमा कम्पनीमध्येकै सर्वाधिक बीमाशुलक संकलन गर्ने कम्पनीको रुपमा आफूलाई कायमै राखेको छ । युनियनले यो अवधिमा ३ अर्ब ३० करोड रुपैयाँ बीमाशुल्क संकलन गरेको छ ।

त्यस्तै, एशियन लाइफ अर्ब १६ करोड रुपैयाँ बीमाशुल्क, सूर्या लाइफ इन्स्योरेन्स २ अर्ब २९ करोड रुपैयाँ बीमाशुल्क, गुराँस लाइफ इन्स्योरेन्सले भने यो वर्ष १ सय प्रतिशत भन्दा बढी वृद्धि हासिल गरेको छ । अघिल्लो वर्ष ९४ करोड बीमाशुल्कको अवस्थालाई सुधार गर्दै यो वर्ष सो कम्पनीले २ अर्ब १३ करोड रुपैयाँ पुर्याइएको हो ।

नवौँ स्थानमा मेटलाइफ इन्स्योरेन्स रहेकाे छ । मेटलाइफले २ अर्ब ५ करोड रुपैयाँ मात्रै बीमाशुल्क, प्राइम लाइफ इन्स्योरेन्सले २ अर्ब २ करोड, सिटिजन लाइफले १ अर्ब ४४ करोड रुपैयाँ बीमाशुल्क, ज्योति लाइफ इन्स्योरेन्सले करिब १ अर्ब ४४ करोड रुपैयाँ नै बीमाशुल्क, रिलायबल लाइफ इन्स्योरेन्सले १ अर्ब ३४ करोड रुपैयाँ बीमाशुल्क, रिलायबल लाइफ इन्स्योरेन्सले १ अर्ब १७ करोड रुपैयाँ बीमाशुल्क, सन नेपाल लाइफ, सानिमा लाइफ, आईएमई लाइफ, प्रभु लाइफ र महालक्ष्मी लाइफको बीमाशुल्क भने १ अर्बभन्दा कम छ ।