नाफा बुक गर्नेहरु सक्रिय हुँदा नेप्सेमा सामान्य करेक्सन
नेपालबहस संवाददाता
माघ १३, २०७७ मंगलबार २२:३५:४६
१३ माघ, काठमाडौं । बढ्दो बजारमा लगानी गरेका शेयर लगानीकर्ताले नाफा बुक गर्न खोज्दा आज बजारमा सामान्य करेक्सन देखिएको छ । नेपाल स्टक एक्सचेन्ज (नेप्से) परिसुचकमा सोही कारण सामान्य गिरावट आएको छ ।
गत हप्तादेखिनै उछाल आएको नेप्सेमा आज भने दोहोरो अंकको करेक्सन देखिएको हाे । आज नेप्से १७ दशमलव ७९ अंकले घट्दै २४२३ दशमलव ९ विन्दुमा ओर्लिएको छ ।
बढ्दो बजारमा सामान्य करेक्सन हुनुलाई सकारात्मक मानिन्छ । बजारमा अल्पकालिन र दीर्घकालिन दुवै लगानीकर्ता सक्रिय रुपमा शेयर किनबेचमा लागेको हुन्छन् । अल्पकालिन लगानीकर्ताहरु शेयर किन्ने र केही नाफा भएपछि आफुसँग भएको शेयर बजारमा बेच्ने गर्दछन् । जसका कारण बजारमा शेयको माग भन्दा आपुर्ति बढी हुन जान्छ र मुल्य सामान्यतया तल झर्छ ।
आज १२ उपसुचक मध्ये होटल र फाइनान्स बाहेक बाँकी दश समुहमा गिरावट आएको छ । होटल ५४ अंक र फाइनान्स १३ अंकले बढ्दा सबैभन्दा धेरै निर्जीवन बीमा समूहको सूचक ९८ अंकले घटेको छ । व्यापार समूहको पनि सूचक पनि ९२ अंकले घटेको छ।
त्यस्तै बैंकिङ समुह ६ दशमलव ८१ प्रतिशतले गिरावट आएको छ । कुल २०७ कम्पनीका एक करोड ९६ लाख छ हजार पाँच सय ४५ कित्ता शेयर आठ अर्ब २७ करोड ९६ लाख ९४ हजार सात सय ४७ रुपैयाँमा किनबेच भएको छ । नेप्से शुन्य दशमलव ७३ प्रतिशत, सेन्सेटिभ १ दशमलव १ प्रतिशतले घटेको छ ।
आज गुराँस लघुवित्त, प्रभु लाइफ इन्स्योरेन्स, युनाइटेड फाइनान्स, एभरेष्ट इन्स्योरेन्स कम्पनीको शेयर मूल्य १० प्रतिशतले बढेको छ। त्यसै गरी पोखरा फाइनान्स, ओरियन्टल होटल, बोटलर्स नेपाल तराई, नेपाल बैंक लिमिटेड, श्री इन्भेष्टमेन्ट फाइनान्स र हिमालयन पावर पार्टनका लगानीकर्ताले कमाएका छन् ।
शिवश्री हाइड्रोपावर, प्रोग्रेसिभ फाइनान्स, राष्ट्रिय बीमा कम्पनी, सेन्जेन जलविद्युत, रसुवागडी हाइड्रो, पञ्चकन्या माई, आरएमडीसी लघुवित्त वित्तीय संस्था तथा मल्टीपर्पस फाइनान्सका लागानीकर्ताले भने ४ प्रतिशतभन्दा धेरै गुमाएका छन् ।
आज नेपाल लाइफ, नेपाल बैंक लिमिटेड, नेश्नल हाइड्रोपावर, पुर्नवीमा कम्पनी, कुमारी बैंक, नागरिक लगानी कोष, अपी पावर कम्पनी, माउन्टेन इनर्जीको शेयर भने अत्याधिक मात्रामा किनबेच भएको छ । आज नेपाल लाइफ इन्स्योरेन्सको मात्रै एक अर्ब ४५ करोड रुपैयाँको शेयर किनबेच भएको छ ।
नेपाल बैंकको ५२ करोड, शिखर इन्स्योरेन्सको २३ करोड, पुनर्बीमा कम्पनीको २० करोड, नागरिक लगानी कोष र नेपाल टेलिकमको १६/१६ करोड रुपैयाँको शेयर किनबेच भएको छ। सनराइज बैंक र नबिल बैंकको पनि १५/१५ करोड रुपैयाँको शेयर किनबेच भएको छ ।
आज नै अपि पावरको राम्रो रिपोर्ट सार्वजनिक भएपछि लगानीकर्ताको नजर परेको छ । त्यस्तै गत आर्थिक वर्षको लाभांश माघ १३ गतेसम्म कायम शेयरधनीले मात्रै पाउने भएपछि कम्पनीको सर्वाधिक कारोबार भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
आज नेप्सेमा दोहोरो अङ्कको गिरावट
चैत १४, २०८० बुधबार
प्रि-ओपन सेसनमा नेप्से सामान्य बढ्यो
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार