नेपाली टिमले कतारमा हुने क्रिकेट प्रतियोगिता खेल्ने

१३ माघ, काठमाडौं । नेपाली राष्ट्रिय क्रिकेट टिमले कतारमा हुने क्रिकेट प्रतियोगिता खेल्ने भएको छ । फेब्रुअरी ९ देखि १२ सम्म कतार स्पोर्ट्स डे को अवसरमा कतार क्रिकेट एसोसिएसनले आयोजना गर्ने बायाल्याट्रल टी २० आई सिरिजमा नेपालको राष्ट्रिय टिमलाई सहभागी गराउने निर्णय मंगलबारको क्यान बोर्ड बैठकले गरेको हो ।

नेपालले मार्चमा विश्वकप लिग २ अन्तर्गत ट्राई सिरिज ओमानमा गएर खेल्दैछ । नेपालको नवनियुक्त मुख्य प्रशिक्षक डेभ वाटमोर पनि नेपाल आइसकेका छन् । क्यानले फेब्रुअरी १ देखि काठमाडौंमा राष्ट्रिय क्रिकेट टिमको क्याम्प पनि सुरु गर्दैछ ।