एसपी पाण्डेविरुद्ध आईजीपी सचिवालयमा उजुरी, लेखा अधिकृतहरुलाई धम्क्याएको आरोप
नेपालबहस संवाददाता
माघ १३, २०७७ बुधबार १:१४:२४
१३ माघ, काठमाडौं । प्रहरी प्रधान कार्यालयको महत्वपूर्ण शाखाका रुपमा लिईने बजेट शाखा प्रमुख रहेका एसपी हिराबहादुर पाण्डेले अनुगमनका नाममा आतंक मच्चाउन थालेपछि देशभरका लेखा अधिकृतहरुले प्रहरी महानिरीक्षकको सचिवालयमा गोप्य उजुरी दिएका छन् ।प्रहरी प्रधान कार्यालयस्थित बजेट शखाका प्रमुख रहेका पाण्डेले मध्यराती एकाउण्टेण्टहरुलाई थर्काउन थालेपछि उनीहरुले एसपी पाण्डेबिरुद्ध उजुरी गरेका हुन् ।
‘मध्यराती मदिरा सेवन गरेर उहाँले थर्काउन थालेपछि हामीले प्रहरी महानिरीक्षकको सचिवालयमा उजुरी गरेका हौ’, एक लेखा अधिकृतले भने । उनका अनुसार “म बजेट शाखामा छु थाह छ कि छैन भनेर थर्काउने, आउँदा म यहाँ छु भन्ने सम्झनु पर्दैन , नत्र तेरो हाकिमलाई बजेट हिनामिना गरेको भनिदिन्छु” भन्ने गरेका तथा अब म अनुगमनमा आउँदैछु भनी आतंकित पार्ने गरेको उजुरीमा उल्लेख छ ।
प्रहरी महानीरिक्षक शैलेश थापा क्षेत्री आर्थिक पारदर्शितामा अत्यन्तै संवेदनशील रहेपनि उनी मातहत रहेको बजेट शाखामा रहेका एसपी पाण्डेले आर्थिक रुपमा र्याल चुहाउन थालेका हुन् । उनले कतिपय सन्र्दभमा काभ्रे, काठमाडौ परिसर, ललितपुर परिसर, नुवाकोट र धादिंङका लेखा प्रमुखलाई पनि थर्काउन भ्याएको बताइएको छ ।
बझाङ जिल्लाको प्रहरी प्रमुख भएर बस्दा पाण्डेकी श्रीमतीले एक महिलासँग भेटेपछि घर झगडा समेत भएको चर्चा त्यतिबेला प्रहरीहरुबीच खुवै चल्ने गरेको थियो । त्यतिबेला श्रीमतीको नाक भाचिएको कथा अहिले पनि प्रहरीभित्र व्यापक रहेको छ । बझाङमा श्रीमती पिटेका कारण उनलाई प्रहरी प्रधान कार्यालयले फिर्ता बोलाएको थियो । बजेट शाखामा रहेकै कारण प्रबन्ध शाखामा रहेका लेखा प्रमुखसँगको मिलमतोमा कपडा ठेकेदाहरुसँग पनि उनको सम्पर्क बढेको छ ।
ज्ञानेन्द्र बस्नेत, टोपेन्द्र विसी, श्रवण अग्रवाल लगायतका ठेकेदाहरुसँग उनको उठबस शुरु भएको छ । अहिले तिनै ठेकेदारहरुको जोडबलमा सिराहा जिल्ला प्रहरी कार्यालयको प्रमुख हुन खोजेरहे अर्का एसपी सुदीप राजभण्डारीले बाजी मारेपछि उनी हिस्स भएका छन् । नेकपा नेताहरुसँगको सम्पर्क र सम्बन्ध निकै राम्रो रहेकाले उनले आफूलाई कसैले हल्लाउन नसक्ने भन्दै मातहतका कर्मचारीलाई समेत धम्क्याउने गरेका छन् ।
लाहानमा बस्दा उनले आफ्नो विवादास्पद छविलाई पुन दोहोर्याएका थिए । एक महिला प्रहरीलाई दूव्र्यवहार गरेको उजुरी परेको भएपनि उनले प्रहरी प्रधान कार्यालयमा आएर त्यसलाई मिलाएकाे बताइन्छ । विवादास्पद छविका पाण्डेलाई अहिले बजेट शाखामा राखेर प्रहरी महानीरिक्षक शैलेश थापा आफैले समेत संरक्षण गरेका हुन कि भन्ने आशंका उब्जिएको छ ।
आफूलाई अब्बल प्रहरी अधिकृत मान्ने एसपी पाण्डेका हर्कतले मातहतका लेखा कार्यालयमा रहेका लेखा अधिकृतहरुले पाण्डेको विषयमा प्रहरी महानिरीक्षकको सचिवालयमा उजुरी गरेपनि त्यहाँबाट पनि सुनुवाई हुन नसकेपछि उनीहरु अहिले अख्तियार दुरुपयोग अनुसन्धानमा जाने तयारीमा लागेका छन् ।
यसअघि बाँके, बर्दिया, कैलाली, रुपन्देही लगायतका लेखा प्रमुखलाई म बजेट शाखामा छु भन्ने थाह छ होला नि भन्दै धम्क्याउने र बजेट कटौति गरिदिने धम्की दिने गरेको गुनासो लेखापालहरुले गर्ने गरेका छन् । उनको यो हर्कत अहिले पनि नरोकिएको प्रहरी प्रधान कार्यालय स्रोतले जनाएको छ ।
र याे पनि
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपखिया लागेको जस्तामुनि मालढुंगाका प्रहरीको बास
चैत १४, २०८० बुधबार
अनलाइन प्रहरी चारित्रिक प्रमाण पत्र दिने सेवा तीन घण्टा अवरुद्ध हुने
चैत १३, २०८० मंगलबार
सहायक निरीक्षकसहित प्रहरीका २३ कर्मचारी सम्पर्कविहीन
चैत १३, २०८० मंगलबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
किन भेटिरहेका छन् देउवाले प्रधानमन्त्री प्रचण्ड ?
चैत १५, २०८० बिहिबार
चैते धानमा किसानको आकर्षण बढ्दै
चैत १५, २०८० बिहिबार
कर्णाली पुलबाट हाम फालेर बेपत्ता भएका शाहीको शव भेटियो
चैत १५, २०८० बिहिबार
किसानले यस वर्षको कुचो नकाटी बगानमै छाडे
चैत १५, २०८० बिहिबार
हिमालमा पर्यटकलाई हेलिकोप्टरको सहारा
चैत १५, २०८० बिहिबार
एसईई परीक्षामा निरीक्षक बसेका १० जना निष्काशित
चैत १५, २०८० बिहिबार