शुक्रबार थप १५७ जनामा संक्रमण पुष्टि

१६ माघ, काठमाडौं । नेपालमा शुक्रबार थप १५७ जनामा कोभिड-१९ संक्रमण पुष्टि भएको छ । यो संगै नेपालमा संक्रमितको संख्या २ लाख ७० हजार ७४५ पुगेको छ ।

त्यस्तै संक्रमणका कारण थप ५ जनाको मृत्यु भएको छ भने हालसम्म २ हजार २५ जनाले कोरोनाका कारण ज्यान गुमाएका छन् । त्यस्तै थप ३३३ जना संक्रमणमुक्त हुँदा नेपालमा हालसम्म २ लाख ६५ हजार ६९८ जनाले कोरोना जितेका छन् ।

नेपालमा हाल ३ हजार २२ जना आइशोलेशनमा छन् भने १११ जना क्वारेन्टाइनमा छन् । नेपालमा हालसम्म २० लाख ६४ हजार ८१ वटा पीसीआर परीक्षण गरिएको स्वास्थ्य मन्त्रालयले जनाएको छ ।