बसले ठक्कर दिँदा मोटरसाइकल चालकको घटना स्थलमै मृत्यु

धीरुभाइ

१६, माघ सप्तरी । सप्तरको हनुमाननगर कंकालीनी नगरपालिकामा बसले मोटरसाइकललाई ठक्कर दिँदा मोटरसाइकल चालकको घटना स्थलमै मृत्यु भएको छ ।

पूर्वपश्चिम लोकराजमार्ग अन्तर्गत सो सडक खण्डमा बसको ठक्करबाट मोटरसाइकल चालका सप्तरीको बोदेबरसाइन नगरपालिका वार्ड नम्बर ८ काचन बस्ने ३२ वर्षीय भुवनेश्वर चौधरीको घटना स्थलमै मृत्यु भएको सप्तरी प्रहरी प्रवक्ता प्रहरी नायब उपरीक्षक भुवनेश्वरप्रसाद साहले जानकारी दिए ।

जिल्लाको हनुमाननगर ककालीनी नगरपालिका वार्ड नम्बर ३ रामजानकी मन्दिर स्थित पूर्व पश्चिम लोक राजमार्गमा पूर्बबाट पश्चिमतर्फ आउदै गरेको ना.४ ख. १५३४ नम्बरको बसले विपरित दिशाबाट आउदै गरेको स.१० प. ६६३४ नम्बरको मोटरसाइकललाई ठक्कर दिएको हो ।

घटना पश्चात इलाका प्रहरी कार्यालय कल्याणपुर सप्तरीबाट खटिएको प्रहरी टोलीले ना. ४ ख. १५३४ नम्बरको बस र चालक सिरहा जिल्लाको सुखिपुर नगरपालिका १० सुखिपुर बस्ने ४५ वर्षीय पवनकुमार दासलाई नियन्त्रणमा लिई थप अनुसन्धान कार्य भइरहेको प्रहरीले बताएको छ । यता मृतक चौधरीको शब परीक्षणको लागि राजविराज स्थित गजेन्द्र नारायण सिंह अस्पतालमा राखिएको छ ।