भट्टराई कुलवंश प्रतिष्ठानद्वारा प्रहरी उपरीक्षक सानुरामलाई सम्मान

१८ माघ, झापा । प्रमुख प्रहरी उपरीक्षक सानुराम भट्टराईलाई भट्टराई कुलबंश प्रतिष्ठान केन्द्रीय कार्यालय वशिष्ठ आश्रम दमक ४ मा स्वागत तथा सम्मान गरिएको छ ।

भट्टराई कुलबंश प्रतिष्ठान केन्द्रीय कार्यालय वशिष्ठ आश्रम दमक ४ मा आज एक समारोहका बीच भर्खरै मात्र सरुवा भएर झापा जिल्लामा आएका जिल्ला प्रहरी कार्यालय झापाका प्रमूख प्रहरी उपरीक्षक सानुराम भट्टराईलाई सम्मान गरिएको हो ।

भट्टराई परिवारको कुल मन्दिरको रुपमा रहेको वशिष्ठ आश्रम दमक ४ झापामा आज एक कार्यक्रमकाबीच स्वागत तथा सम्मान गरिएको जिल्ला सचिव गिरिराज भट्टराईले नेपालबहस डटकमलाई बताए । भट्टराई परिवारका सदस्यहरु झापा जिल्लामा कुनै पनि कार्यालयमा प्रमूख भएर आउँदा भट्टराई कुलबंश प्रतिष्ठान केन्द्रीय कार्यालय वशिष्ठ आश्रम दमक ४ झापाले सम्मान तथा स्वागत गर्ने पुरानो परम्परा रहँदै आएको छ ।

परिवारको सदस्यलाई झापा जिल्लामा काम गर्न गर्न कुनै असुबिधा नहोस् र पूर्ण सफलताका साथ काम गरेर भट्टराई परिवारको ईज्जत र मान बढाउन मद्धत पुगोस भनेर कुलको दीपको दर्शन गराउने र शक्ति प्राप्तिका लागि आराधना गरिदै आएको प्रतिष्ठानले जनाएको छ ।

भर्खरै मात्र हाजिर हुन आएका जिल्ला प्रहरी कार्यालय झापाका प्रमूख प्रहरी उपरीक्षक सानुराम भट्टराईले आफुले भट्टराई कुलबंश प्रतिष्ठानका बिषयमा सुनेको मात्र तर आज आफ्नै आँखाले हेर्ने र अवलोकन गर्ने अवसर प्राप्त भएको बताए । उनले भने : आज मलाई आफ्नै परिवारजनका तर्फबाट आफ्नै  कुलको मन्दिरमा कुलको दियो साक्षी राखेर जुन सम्मान र प्रोत्सहन प्राप्त भएको छ, यसले मलाई ब्यक्तिगत रुपमा मात्र हैन सिंगो भट्टराई परिवारको ईज्जत र प्रतिष्ठा उच्च राख्ने काममा सहयोगी हुने बताए । याे सम्मानलाई आफुले झापा जिल्ला बस्दा मात्र हैन आफ्नाे जीवनको सम्पूर्ण कार्यकालभरी ईमान्दारिताका साथ अनुशरण गर्दै भट्टराई कुलको ईज्जत बढाउने कार्यमा कुनै प्रकारको कमी आउन दिने छैन ।

प्रमूख प्रहरी उपरीक्षक सानुराम भट्टराईले झापा जिल्लामा अझै पनि दुब्र्यसनि र लागू पर्दाथका प्रयोगकर्ताहरुको संख्या उच्च रहेको पाएकोले यसलाई न्यूनिकरण गर्न सम्पूर्ण जिल्लाबासीहरुको साथ र सहयोग आवश्यक रहेको कुरामा स्पष्ट पार्दै यसका लागि पनि प्रतिष्ठानले आफ्नाे क्षेत्रबाट आफुलाई काम गर्न सहयोग गर्ने कुरामा आफु आशावादी रहेको र सिंगो झापा जिल्लामा सुरक्षा ब्यवस्था चुस्त राख्न वर्तमान जिल्ला प्रहरी कार्यालयको सिंगो टिम ईमान्दारिताका साथ लागि परिरहेको बताए ।

भट्टराई कुलबंश प्रतिष्ठान जिल्ला कार्य समितिका अध्यक्ष गंगाप्रसाद भट्टराईको अध्यक्षतामा सम्पन्न उक्त स्वागत तथा सम्मान कार्यक्रममा प्रतिष्ठानका केन्द्रीय अध्यक्ष शेरबहादुर भट्टराईले सम्मान तथा स्वागत गर्दै रुद्राक्षको माला र खादा लगाएर सम्मानगरेका थिए । प्रतिष्ठानका केन्द्रीय उपाध्यक्ष, केन्द्रीय सचिव, केन्द्रीय कोषाध्यक्ष, केन्द्रीय सदस्यहरु, झापा जिल्लाका प्रतिष्ठानका पदाधिकारीहरु, दमक नगर समितिका अध्यक्ष, सचिव लगायत भट्टराई परिवारजनको उपस्थिति रहेको थियो ।