म्यानमारको सत्ता सेनाको कब्जामा, नेतृ आङ साङ सुकी हिरासतमा

१९ माघ, एजेन्सी । म्यानमारको सत्ता त्यहाँको सेनाले आफ्नो कब्जामा लिएको छ। सत्ता कब्जापछि सेनाले नेसनल लिग फर डेमोक्रेसी पार्टीकी नेतृ आङ साङ सुकीलाई हिरासत राखेको हो ।

केही समययदेखि म्यानमार सरकार र त्यहाँको सेनाबीच विवाद चर्किँदै आएको थियो । त्यो विवाद उत्कर्षमा पुगेपछि सेनाले सत्ता कब्जा गरेको हो । सरकार र सेनाबीचको तनाव र सत्ता पलटको आशंकाका बीच सुकीलाई सेनाले हिरासतमा लिएको बीबीसीले जनाएको छ ।

गत नोभेम्बर महिनामा भएको निर्वाचनमा सुकीको पार्टी पार्टी भारी मतसहित विजयी भएको थियो । तर सेनाले चुनावी प्रक्रियामा धाँधली भएको आरोप लगाउँदै आएको छ । सेनाले सोमबार तय भएको संसद बैठक पनि स्थगित गर्न आह्वान गरेको छ ।

बीबीसीका अनुसार म्यानमारको राजधानीसहितका मुख्य मुख्य शहरमा सैनिकको तैनाथी बढाइएको छ । राजधानीमा टेलिफोन र इन्टरनेट सेवासमेत बन्द गरिएको छ । सुकीले विश्व प्रतिष्ठित नोबेल शान्ति पुरस्कार पनि पाएकी छन् । उनी २०७५ साल मंसिर १३ गते काठमाडौं आएकी थिइन् ।