पिपुल्स पावर कम्पनीको सभाले गर्यो आईपीओ निष्कासन गर्ने प्रस्ताव पारित

१९ माघ, काठमाडौं । पिपुल्स पावर कम्पनीले साधारण सभाले आईपीओ निष्कासनको प्रस्ताव पारित गरेको छ । कम्पनीको माघ १८ गते भएको साधारण सभाले उक्त प्रस्ताव पारित गरेको हाे ।

जारीपुँजीको ३० प्रतिशत आईपीओ जारी गर्ने पिपुल्सले जनाएको छ । कम्पनीले आईपीओ निष्कासन गर्नका लागि मंसिर ११ गते प्रभु क्यापिटलसँग सम्झौता गरेको हो ।  अब चाडै नै कम्पनी आईपीओ निष्कासनको अनुमति माग्दै नेपाल धितोपत्र बोर्ड जाने भएको छ ।

कम्पनीले ४ दशमलव ९६ मेगावट क्षमताको पुवाखोला जलविद्युत आयोजना निर्माण गरेको छ । आयोजनाको निर्माण कार्य ८० प्रतिशत भन्दा धेरै सकिसकेको जानकारी गराएको छ ।