आइएमई जनरलको मुनाफा १२५.६७ प्रतिशतले बढ्यो, इपीएस कति ?

१९ माघ, काठमाडौं । आइएमई जनरल इन्स्योरेन्सले चालु आर्थिक वर्षको दोस्रो त्रैमाससम्म १५ करोड २ लाख ६६ हजार रुपैयाँ मुनाफा गरेको छ । अधिल्लो वर्ष कम्पनीले ६ करोड ६५ लाख ८८ हजार रुपैयाँ मात्र नाफा कमाएको थियो ।

यो मुनाफा अघिल्लो वर्षको यसैअवधिमा भन्दा १२५.६७५ ले बढी हो । कम्पनीले गत वर्ष ३० करोड ६२ लाख ६६ हजार रुपैयाँ खुद बिमा शुल्क आम्दानी गरेकामा अहिले ३६ करोड ३९ लाख ३४ हजार रुपैयाँ पुगेको छ ।

पुष मसान्तसम्म आइएमई जनरलको प्रतिसेयर आम्दानी वार्षिक २७ रुपैयाँ ७८ पैसा र प्रतिसेयर नेटवर्थ १६६ रुपैयाँ ९४ पैसा छ । पुस मसान्तसम्ममा यसले २९ करोड १० लाख ७९ हजार रुपैयाँ कुल दाबी भुक्तानी गरेको छ । भुक्तानी हुन बाँकी रकम ६१ करोड १७ लाख ५२ हजार रुपैयाँ छ ।