अब ओली मर्ने भएन भनेर नै अर्काे बाटो लागेका छन्: प्रधानमन्त्री

१९ माघ, जनकपुर । प्रधानमन्त्री खड्गप्रसाद ओलीको छुद्र वचन आजपनि नेपाली जनताले सुन्नुपरेको छ । ओलीले आफ्ना राजनीतिक प्रतिद्वन्द्वीप्रति गरेको छुद्र र कटुवचनले नेपाली राजनीतिको गरिमा नै धुमिल पारिदिएको छ ।

ढल्केबरस्थित विद्युत सवगृहको आज उद्घाटन गर्न पुगेका प्रधानमन्त्री ओलीले पुष्पकमल दाहाल प्रचण्ड र माधवकुमार नेपालप्रति ईश्र्याभावका साथ कटु र छुद्र व्यवहार दर्शाए । कार्यक्रमलाई संवोधन गर्दै प्रधानमन्त्री ओलीले भने– मैले दोस्रो पटक मृगौला फेर्दा मेरो मृत्युको कामना गर्नेहरु मेरै साथी थिए । तर म ठमठमी फर्किएर काममा सकृय भएपछि भने उनीहरुलाई भाउन्न भएर यो परिस्थिति निर्माण गरेका हुन् ।

आफ्नो मृत्युको कामना गर्ने साथीहरु भने पनि उनले नाम भने कसैको उच्चारण गरेनन् । तर ओलीले संकेत गरेको प्रचण्ड र माधव नै भएको बुझ्न कसैलाई कठिन पनि थिएन । साथीहरुलाई अलि अलि आश थियो, दोस्रो पटक किड्नी फेर्दा त पक्कै मर्नेछ, त्यसमा पनि नेपालमै फेर्ने भनेपछि त झनै हौसिएका थिए – ओलीले भने– तर अप्रेशन गरेको १० दिनमै फर्केर काममा लागेपछि मात्रै अर्काे परिस्थिति बन्यो । अब ओली मर्ने भएन भनेर नै अर्काे बाटो लागेका छन् ।

त्यसैले आफू देश र जनताको लागि मात्रै संघर्ष गरिरहेको छु – प्रधानमन्त्री ओलीले दाबी गरे । आउने बैशाख १७ गते हुने निर्वाचनमा प्रदेश नं. २ बाट आफूलाई प्रचण्ड मत दिनसमेत उनले आह्वान गरे ।

ओलीको यो छुद्रताप्रति सम्बद्ध नेताहरुले कस्तो प्रतिक्रिया दिने हुन् त्यो भने हेर्न बाँकी नै छ । आज प्रचण्ड–माधव समूहको केन्द्रीय कमिटी बैठकले ओलीलाई पार्टी सदस्यबाट निष्काशन गर्ने भनी यसअघि गरेको निर्णय अनुमोदन गर्दैछ ।