धितोपत्र बोर्डले भन्यो :– २५ प्रतिशत रकम ब्राेकरलाई अग्रिम बुझाउनु पर्छ भन्ने भ्रममा नपर्नुहाेला

१९ माघ, काठमाडौं । धितोपत्र बोडले टि प्लस टू कार्यान्वयन र मार्जिन रकम भुक्तानीका सम्बन्धमा ब्रोकरहरूलाई गरिएको परिपत्रको बारेमा लगानीकर्तामा द्विविधा भएको जनाउँदै स्पष्ट पारेको छ । खरिद आदेश प्राप्त गर्दा सो को अनुमानित रकमको २५ प्रतिशत अग्रीम भुक्तानीको व्यवस्था गरिएको भनी संचारमाध्यमले लगानीकर्तामा द्धिविधा सिर्जना गरेकाे भन्दै बोर्डले लगानीकर्ताले दाेस्राे बजारबाट शेयर खरिदका लागि अग्रिम २५ प्रतिशत रकम ब्राेकरलाई बुझाउनु पर्छ भन्ने भ्रममा नपर्न अनुराेध गरेकाे छ ।

बोर्डले विभिन्न सन्चारमाध्यमबाट मार्जिन रकम भुक्तानीका सम्बन्धमा आएका समाचारले लगानीकर्तामा द्विविधा सिर्जना भएकोमा जनाएको हो । भर्खरै लागू गरिएको टि प्लस टू अनुसार केही ब्रोकर दलाल व्यवसायीले धितोपत्रको राफसाफ तथा फछ्र्याेट टि प्लस टू समय भित्रै नगरेको लगानीकर्ताको गुनासो मध्यनजर गर्दै यस व्यवस्थालाई कडाईका साथ ब्रोकर दलाल व्यवसायीलाई पालना गराउन परिपत्र जारी गरेको बोर्डले स्पष्ट पारेकाे ।

ब्रोकरले समयमा लगानीकर्ताको रकम भुक्तानी गर्न सकुन् भन्ने उद्देश्यले धितोपत्र बिक्री गर्ने लगानीकर्तासंग मार्जिन रकम वा चेक लिसक्ने तर अनिवार्य भने नगरिएकाे बाेर्डले उल्लेख गरेको छ । ‘लगानीकर्ताले खरिद गरेको धितोपत्र र धितोपत्र बिक्री वापतको रकम समयमा नै लगानीकर्ताले पाउने भन्ने उद्देश्यले परिपत्र जारी हौ’, बोर्डले भन्यो, ‘लगानीकर्ताले शेयर खरिद आदेश प्राप्त गर्दा सो को अनुमानित रकमको २५ प्रतिशत अग्रीम भुक्तानीको व्यवस्था गरिएको भनी संचार माध्यमले लगानीकर्तामा द्धिविधा सिर्जना गर्यो ।’

धितोपत्र कारोबारलाई बैंक तथा निक्षेप सदस्यसंग इन्टिग्रेशन गर्ने गरी लगानीकर्ताको धितोपत्र कारोबार खाता, मार्जिन खाता तथा क्यियरिङ खाताको सम्बन्धमा उचित व्यवस्थापन गर्ने गरि अगाडि बढिरहेको बोर्डले जनाएको छ ।