वोमी लघुवित्तको मुनाफा २६.६७ प्रतिशत बढ्यो

२० माघ,काठमाडौं । वोमी लघुवित्त वित्तीय संस्था लिमिटेडको चालु आर्थिक वर्षको दोस्रो त्रैमाससम्म मुनाफा बढेको छ।

पुष मसान्तसम्ममा लघुवित्तले ५ करोड ३१ लाख ३२ हजार रुपैयाँ मुनाफा गरेको छ । यो अधिल्लो वर्षको तुलनामा १ करोड १५ लाख रुपैयाँ अर्थात २६.६७ प्रतिशत बढी हो। अधिल्लो वर्ष लघुवित्तले ४ करोड १६ लाख रुपैयाँ मुनाफा आर्जन गरेको थियो।

लघुवित्तको ब्याज आम्दानी १ करोड ९९ लाख रुपैयाँ घटेर ११ करोड ६८ लाख रुपैयाँ पुगेको छ। लघुवित्तले १ अर्ब ४ करोड रुपैयाँ निक्षेप र १ अर्ब ३० करोड रुपैयाँ सापटीबाट ३ अर्ब ७१ लाख रुपैयाँ कर्जा लगानी गरेको छ।

लघुवित्तको प्रतिशेयर आम्दानी २९ रुपैयाँ ४२ पैसा रहेको छ भने प्रतिशेयर नेटवर्थ १४० रुपैयाँ ५९ पैसा रहेको छ। त्यसैगरी, लघुवित्तको मूल्य आम्दानी अनुपात ३१.०७ गुणा रहेको छ।