छिमेक लघुवित्तको मुनाफा बढ्यो

२० माघ,काठमाडौं । छिमेक लघुवित्त वित्तीय संस्था लिमिटेडको चालु आर्थिक वर्षको दोस्रो त्रैमासको मुनाफा बढेको छ।

पुष मसान्तसम्ममा लघुवित्तले ६१ करोड ५४ लाख ९४ हजार रुपैयाँ मुनाफा गरेको छ। यो अधिल्लो वर्षको तुलनामा १३ करोड ३८ लाख रुपैयाँ बढी हो। गत वर्ष लघुवित्तले ४८ करोड १६ लाख रुपैयाँ मुनाफा गरेको थियो।

लघुवित्तको ब्याज आम्दानी ३५ लाख रुपैयाँ घटेर ९८ करोड ४१ लाख रुपैयाँमा सीमित भएको छ। लघुवित्तको सञ्चालन मुनाफा भने समीक्षा अवधिमा ७ करोड ७७ लाख रुपैयाँ बढेर ८२ करोड ३२ लाख रुपैयाँ पुगेको छ। पुष मसान्तसम्ममा १ अर्ब ८३ करोड रुपैयाँ चुक्ता पूँजी रहेको यस लघुवित्तको जगेडा कोषमा २ अर्ब ६१ करोड रुपैयाँ सञ्चित छ।

लघुवित्तले २० अर्ब ८६ करोड रुपैयाँ निक्षेप र ६ अर्ब १२ करोड रुपैयाँ सापटीबाट २५ अर्ब २९ करोड रुपैयाँ कर्जा लगानी गरेको छ। लघुवित्तको प्रतिशेयर आम्दानी ६७ रुपैयाँ २७ पैसा रहेको छ भने प्रतिशेयर नेटवर्थ २४२ रुपैयाँ ८९ पैसा रहेको छ। त्यसैगरी, लघुवित्तको मूल्य आम्दानी अनुपात १८.९७ गुणा रहेको छ।