गुराँस लघुवित्तको मुनाफा २३४ प्रतिशतले बढ्यो

२० माघ,काठमाडौं । गुराँस लघुवित्त वित्तीय संस्थाले चालु आर्थिक वर्षको दास्रो त्रैमासमा १ करोड ३८ लाख ९५ हजार रुपैयाँ मुनाफा गरेको छ । अघिल्लो वर्षको यसै अवधिको तुलनामा लघुवित्तको  मुनाफा २३४.४२ प्रतिशतले बढेको हो।

अघिल्लो वर्षको पुष मसान्तमा लघुवित्तले ४१ लाख ५५ हजार रुपैयाँ मात्र मुनाफा गरेको थियो। लघुवित्तले ३ करोड ४० लाख रुपैयाँ मुनाफा गरेको छ। लघुवित्तको सञ्चालन मुनाफा पनि १ करोड ५३ लाख रुपैयाँले बढेर २ करोड १८ लाख रुपैयाँ पुगेको छ।

दोस्रो त्रैमाससम्ममा लघुवित्तले १८ करोड ३९ लाख रुपैयाँ निक्षेप संकलन गरेको ६३ करोड ७० लाख रुपैयाँ अन्य बैंक तथा वित्तीय संस्था मार्फत ऋण गरेर ९१ करोड ५८ लाख रुपैयाँ कर्जा परिचालन गरेको छ।

लघुवित्तको वार्षिक प्रतिशेयर आम्दानी ३३ रुपैयाँ ३२ पैसा, प्रतिशेयर नेटवर्थ १३८ रुपैयाँ ४९ पैसा र मुल्य आम्दानी अनुपाल २७.९७ गुणा रहेको छ।