इन्फिनिटी लघुवित्तको नाफा ९४.०६ प्रतिशतले बढ्दा ,अन्य सूचक कस्तो ?

२० माघ,काठमाडौं । इन्फिनिटी लघुवित्त वित्तीय संस्थाले चालु आर्थिक वर्षको दोस्रो त्रैमासमा ६ करोड ४९ लाख रुपैयाँ मुनाफा गरेको छ । यो मुनाफा गत वर्षको यसै अवधिमा भन्दा ९४.०६ प्रतिशतले बढेको हो । अधिल्लो वर्ष लघुवित्तले ३ करोड ३४ लाख रुपैयाँ मुनाफा गरेको थियो । लघुवित्तको ब्याज आम्दानी र सञ्चालन नाफा पनि बढेको छ ।

लघुवित्तको खराब कर्जा भने १.३६ प्रतिशतले बाट बढेर १.५४प्रतिशतले भएको छ । चुक्ता पुँजी २६ करोड ६ लाख रुपैयाँ रहेको इन्फिनिटीको रिजर्भ कोषमा १० करोड ७१ लाख रुपैयाँ जम्मा छ । यसको प्रतिशेयर आम्दानी ४९ रुपैयाँ ८४ पैसा (वार्षिक) रहेको यसको प्रतिशेयर नेटवर्थ १४१ रुपैयाँ ११ पैसा रहेको छ ।