संवैधानिक परिषद बैठक फेरि स्थगित

२० माघ, काठमाडौं । गत मंसिर ३० गते संवैधानिक परिषदले संवैधानिक निकायमा नियुक्तिका लागि गरेको सिफारिश हिजो सभामुख अग्निप्रसाद सापकोटाले परिषदमै फर्काइ दिए । जसले गर्दा परिषदले गरेको सिफारिशको हैसियत के हुन्छ भन्ने अन्योल बढेको छ ।

प्रधानमन्त्री केपी ओली निकट कानूनविद्वले नियुक्तिमा वाधा उत्पन्न नहुने तर्क गरिरहेका बेला विरोधीले भने अब प्रकृया अवरुद्ध भएको तर्क गरेका छन् । यही अन्योलका बीच भोलिका लागि संवैधानिक परिषद बैठक बोलाउने निर्णयमा प्रधानमन्त्री ओली पुगेका थिए ।

बिहान ११ बजेका लागि डाकिएको परिषद बैठक फेरि भोलि साँझ ५ बजेका लागि सारियो । तर पछिल्लो सूचना अनुसार, भोलिको बैठक फेरि स्थगित भएको छ । भोलिको सट्टा पर्सि बैठक बस्ने सम्भावना रहेको छ ।

सभामुख सापकोटाले सिफारिश गरिएका नाम परिषदमै फिर्ता पठाएकोमा राष्ट्रियसभाका अध्यक्ष गणेशप्रसाद तिम्सिनाले हिजो आपत्ती प्रकट गरेका थिए । परिषदमा प्रधानमन्त्री अध्यक्ष र प्रधानन्यायधीश, सभामुख, अध्यक्ष, प्रतिपक्षी दलका नेता र उपसभामुख सदस्य रहने प्रावधान छ ।