साधना लघुवित्तले मुनाफा बढ्यो

२० माघ,काठमाडौं । साधना लघुवित्त वित्तीय संस्थाले चालु आर्थिक वर्षको दोस्रो त्रैमासमा ३ करोड ९५ लाख रुपैयाँ मुनाफा गरेको छ । यो मुनाफा गत वर्षको यसै अवधिमा भन्दा ८४.८७ ले बढेको हो ।

अधिल्लो वर्ष लघुवित्तले १ करोड ८९ लाख रुपैयाँ मुनाफा गरेको थियो । साधनाले ब्याज आम्दानी र सञ्चालन नाफा पनि बढेको छ ।

दोस्रो त्रैमाससम्ममा कम्पनीको खराब कर्जा भने ०.७८५ बाट बढेर ३.५२५ भएको छ । पुस मसान्तसम्म चुक्ता पुँजी २१ करोड ७७ लाख रुपैयाँ रहेको साधनाको रिजर्भ कोषमा ९ करोड २९लाख रुपैयाँ जम्मा भएको छ । यसको प्रतिसेयर आम्दानी ३२ रुपैयाँ २३ पैसा (वार्षिक) रहेको यसको प्रतिसेयर नेटवर्थ १४२ रुपैयाँ ६८ पैसा रहेको छ ।