स्पर्स लघुवित्तको मुनाफा घट्यो

१९ माघ, काठमाडौं । स्पर्स लघुवित्त वित्तीय संस्थाले चालू आवको दोस्रो त्रैमासीकसम्ममा १ करोड ३२ लाख मुनाफा गरेकाे छ । यो अघिल्लो वर्षकोे तुलनामा ३ दशमलव ३६ प्रतिशत कम हो ।

अघिल्लो वर्ष लघुवित्तले १ करोड ३७ लाख मुनाफा गरेको थियो । चुक्तापूँजी ११ करोड २० लाख रहेको कम्पनीले जगेडा कोषमा रू। २ करोड ५७ लाख सञ्चित गरेको छ ।

दोस्रो त्रैमाससम्ममा लघुवित्तले ८७ करोड ७७ लाख सापटी लिएर, २६ करोड ५५ लाख निक्षेप संकलन गरेर १ अर्ब २१ करोड ४८ लाख कर्जा लगानी गरेको हो । प्रतिशेयर आम्दानी  २३ दशमलव ६४, तरलता अनुपात ६ दशमलव २४ प्रतिशत र प्रतिशेयर नेटवर्थ १२२ दशमलव ९७ रहेको छ ।

हाल कम्पनीको शेयर कारोबार दोस्रो बजारमा रोक्का रहेको छ । ग्लोबल आइएमई लघुवित्तसँग प्राप्तिमा जाने प्रक्रियामा रहेकाले शेयर कारोबार रोक्का रहेको हो ।