वरिष्ठ पत्रकार चुडालद्धारा खड्कालाई कोभिड बीमाको रकम हस्तान्तरण

२० माघ, काठमाडौं । मिसन मिडिया क्लवले पत्रकार महासंघ उपत्यका प्रदेशका कोभिड संक्रमित पत्रकार विदुर खड्कालाई कोभिड बीमाको एकलाख रुपैयाँ हस्तान्तरण गरेको छ ।

नेपाल पत्रकार महासंघ उपत्यका प्रदेश समितिको कार्यकक्षमा वरिष्ठ पत्रकार देवेन्द्र चुडालले पत्रकार खड्कालाई बीमा वापतको चेक हस्तान्तरण गरेका थिए । पत्रकार खड्का महासंघ काठमाडौं शाखामा आबद्ध छन् ।

पत्रकार महासंघ उपत्यका प्रदेश समितिका महासचिव एवं क्लबका अध्यक्ष श्रीजन झाले कोभिड–१९ को सङ्क्रमणको बढ्दो जोखिमको समयमा आफ्नो कर्मक्षेत्रमा क्रियाशील नेपाल पत्रकार महासंघ उपत्यका प्रदेश समिति अन्तरगत रहेका काठमाडौँ, भक्तपुर र ललितपुरका ११९ पत्रकारको सुरक्षाको लागि क्लबको तर्फबाट पत्रकार कोभिड बीमा’ कार्यक्रम सञ्चालन गरेका थिए ।

यसअघि कोभिड संक्रमित पत्रकार विदुर थापा, संजय केसी, सविन शर्मा, रामहरि कार्की, शुशीलबन्ध थापा, गोकुल कार्की, निरज रञ्जित, अमृत अधिकारीलाई कोभिड बीमाको रकम हस्तान्तरण गरिसकेको प्रदेश समितिका महासचिव झाले जानकारी दिएका छन् । चेक हस्तान्तरण कार्यक्रममा पत्रकार शाश्वत शर्मा ,निरज रन्जित लगायतको उपस्थित रहेको थियो ।