आजदेखि ट्राफिक नियम उल्लंघनको जरिवाना अनलाइनबाटै

२१ माघ, काठमाडौं । ट्राफिक प्रहरीले आजदेखि ट्राफिक नियम उल्लंघनको जरिवाना अनलाइनबाटै गर्ने भएको छ । सवारी चालकलाई सहज होस् भनी अनलाइनबाटै जरिवाना रकम भुक्तान गर्ने मिल्ने प्रणाली सुरु गरिएको महानगरीय ट्राफिक महाशाखाले जनाएको छ ।

यसअघि बैंकमा लाइन बस्नुपर्ने भएकोले धेरै समय खर्चिनु पर्ने र झन्झटिलो प्रकृया बेहोर्नु पर्थ्यो । अब यस्तो समस्याको हल हुने महाशाखाको विश्वास छ । महाशाखाले बुधबार अनलाइन सेवाको औपचारिक उद्घाटन गर्दैछ ।