अख्तियारका प्रमुख आयुक्त राईसहित ३८ पदाधिकारीले लिए प्रधानन्यायाधिशबाट शपथ
नेपालबहस संवाददाता
माघ २१, २०७७ बुधबार १६:३३:२८
२१ माघ, काठमाडौं । विवादित बनेको विभिन्न संवैधानिक आयोगका ३८ जना अध्यक्ष एवं सदस्यहरुले आज शपथ लिएका छन् । राष्ट्रपति कार्यालय शितलनिवासमा आज बिहान ९ बजे आयोजित एक कार्यक्रमका बीच अख्तियार दुरुपयोग अनुसन्धान आयोगमा प्रमुख आयुक्त नियुक्त प्रेमराज राईसहितका प्रमुख आयुक्तहरुले राष्ट्रपतिको उपस्थितिमा प्रधानन्यायाधिश चोलेन्द्रशमशेर राणाबाट शपथ लिएका हुन् ।
अन्य आयुक्त तथा सदस्यहरुले भने अध्यक्षबाट शपथ लिएका छन् । संविधान बमोजिम प्रमुख प्रतिपक्ष दलका नेता शेरबहादुर देउवा र सभामुख अग्निप्रसाद सापकोटाको बहिष्कारका बीच गत मंसिर ३० गते बसेको संवैधानिक परिषदको बैठकबाट उनीहरु नियुक्ति सिफारिसमा परेका थिए ।
राष्ट्रपति कार्यालयका सचिव भेषराज अधिकारीले मंसिर ३० गते नियुक्त भएका सबैको बुधबार शपथग्रहण सम्पन्न भएको जानकारी दिए । सरकारले नियुक्ति सिफारिस गरेर संघीय संसदमा जानकारी पठाएकोमा संसदीय सुनुवाईको लागि प्रतिनिधिसभा भंग भइसकेकोले सुनुवाई सम्भव नभएको भन्दै सभामुख अग्निप्रसाद सापकोटाले सोमबार मात्र नियुक्ति फिर्ता गरेका थिए ।
प्रधानमन्त्री केपी ओलीले हिजो पुन बोलाएको संवैधानिक परिषदको बैठक प्रधानन्यायाधिश राणाका कारण स्थगित भएको समाचार बाहिरिएको थियो । संवैधानिक व्यवस्थाअनुसार संवैधानिक निकायका पदाधिकारी नियुक्ति गर्दा संसदीय सुनुवाई समितिबाट अनुमोदन हुनुपर्छ । यद्यपि, समितिले ४५ दिनसम्म निर्णय दिन नसकेमा भने नियुक्तिमा बाधा नहुने व्यवस्था संसदको संयुक्त बैठक र संयुक्त समिति नियमावलीमा उल्लेख छ ।
तर सुनुवाई समितिमै नपुगी ४५ दिन पुर्याएर मात्र बिनाअनुमोदन नियुक्त गरिनु असंवैधानिक हुने तर्क कानुनविदहरुले गरेका छन् ।बिनासुनुवाई नियुक्त गर्न नहुने भन्दै वरिष्ठ अधिवक्ता दिनेश त्रिपाठीले मंगलबार सर्वोच्च अदालतमा रिटसमेत दायर गरेका छन् । सर्वोच्च अदालतमा संवैधानिक परिषद सम्बन्धि अध्यादेश र त्यसले एकपक्षीय रुपमा गरेको नियुक्तिका बिषयमा मुद्धा विचाराधिन छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविपिन जोशीको रिहाईको पहल गरिदिन कतारी अमिरलाई राष्ट्रपति पौडेलको आग्रह
बैशाख ११, २०८१ मंगलबार
प्रधानमन्त्री प्रचण्ड र ओलीबीच भेटवार्ता, राजनीतिक घटनाक्रमको विषयमा छलफल
बैशाख ११, २०८१ मंगलबार
राष्ट्रपति पौडेल र कतारी राजाबीच भेटवार्ता, साझा मुद्दामा सहकार्य गर्न कतारलाई आग्रह
बैशाख ११, २०८१ मंगलबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
गोरखा भूकम्पको सम्झनामा फोटो प्रदर्शनी हुने
बैशाख ११, २०८१ मंगलबार
रौतहटको करुनियामा आगलागीबाट ७ घर जलेर नष्ट, लाखौंको क्षति
बैशाख ११, २०८१ मंगलबार
निर्वाचनका कारण आजदेखि पूर्वी सीमानाका बन्द
बैशाख ११, २०८१ मंगलबार
सूर्य नेपाल काठमाडौं ओपनको पहिलो दिन भुवन शीर्षस्थानमा
बैशाख ११, २०८१ मंगलबार
जनकपुरमा होटलको एउटै कोठामा महिला र पुरुष झुन्डिएको अवस्थामा मृत फेला
बैशाख ११, २०८१ मंगलबार
सुदूरपश्चिममा मन्त्रिपरिषद् विस्तार अन्योलमा
बैशाख ११, २०८१ मंगलबार