छाब्दी स्वास्थ्य केन्द्रलाई १६ लाख बराबरको जग्गादान

२१ माघ, तनहुँ । व्यास नगरपालिका–१३ निवासी टेकबहादुर पन्थ र रामकृष्ण सेढाईँले स्वास्थ्य भवन निर्माणका लागि आठ–आठ आना जग्गा निःशुल्क दान गरेको छ । आफूहरुले करीब रु १६ लाख बराबरको जग्गादान गरेको सेढाईँले बताए ।

नगरपालिकाको रु १९ लाख आर्थिक सहयोगमा एक ढलानको भवन भने निर्माण गरिसकी सेवा प्रवाह गर्न थालिएको भवन निर्माण समितिका सदस्य गजेन्द्र पन्थले बताए। चार वटै वडाका बासिन्दालाई केन्द्र पर्ने स्थानमा स्वास्थ्य भवन निर्माण गरिएकाले स्थानीयवासीमा खुशीयाली छाएको छ । उक्त स्वास्थ्य केन्द्रको माथिल्लो तला भवन थप गर्नका लागि नगरपालिकाले सहयोग गर्ने योजना बनाएको नगर प्रमुख बैकुण्ठ न्यौपानेले बताए ।