रामकुमारी झाँक्रीलाई पक्रन ओलीका नेतृहरुकाे माग

२१ माघ, काठमाडाैं । नेपाल कम्युनिष्ट पार्टी विभाजनको बाछिटा विस्तारै भातृ संस्थाहरुमा पनि परेको छ । प्रचण्ड–माधव समूहकी चर्चित नेतृ रामकुमार झाँक्रीलाई कारबाही गर्न ओली समूहका नेतृहरुले आज दबाब दिएका छन् ।

नेतृ झाँक्रीले हालै गोरखामा आयोजित एक कार्यक्रममा राष्ट्रपति विद्यादेवी भण्डारीको कार्यशैलीप्रति कटाक्ष गर्दै सेतो सारीलाई प्रतिकात्मक ढंगले उठाएकी थिइन् । झाँक्रीको उक्त भनाईले राष्ट्रपति भण्डारीको मर्यादा र चरित्रमा गम्भिर धक्का पुगेको भन्दै ओली पक्षीय अखिल नेपाल महिला संघले आज गृहमन्त्री रामबहादुर थापा बादललाई ज्ञापनपत्र बुझाएको छ ।

साथै, झाँक्रीलाई तत्काल पक्राउ गरी कानूनी कारबाही गर्नसमेत माग गरिएको छ । उक्त समूहको नेतृत्व अनेमसंघका नेता सुजिता शाक्यले गरेकी हुन् । शाक्यपनि विघटित प्रतिनिधिसभा सदस्य हुन् । झाँक्रीले राष्ट्रपतिलाई लक्षित गरी टिप्पणी गरेपछि हिजो राष्ट्रपतिकी छोरीले फेसबुकमार्फत असन्तुष्टी पोखेकी थिइन् ।