ओली समूहमा नेताको खडेरी, पोखरेल र नेम्वाङ सर्वस्वीकार्य हुन नसक्ने
कुसुम सेञ्चुरी
माघ २५, २०७७ आइतबार १९:२४:२१
२५ माघ, काठमाडौं । सत्तारुढ दल नेपाल कम्युनिष्ट पार्टी (नेकपा) विभाजन भएपछि प्रधानमन्त्री केपी शर्मा ओली समूहमा नेताको खडेरी लागेको छ ।
माधवकुमार नेपाल र पुष्पकमल दाहालले नेतृत्व गरेको समूहमा नेताहरुकाे संख्या धेरै भएको र पार्टी हाँक्ने नेताहरु पनि उलेख्य भएको अवस्थामा ओली समूहतिर ओली मात्रै नेताको रुपमा देखिएका छन् । प्रधानमन्त्री ओलीपछि सो समूहको नेता को हुने भन्नेमा अझै अन्यौल रहेको छ ।
उपप्रधानमन्त्री तथा सचिवालय सदस्य ईश्वर पोखरेलको पक्षमा ओली समूहकै धेरै नेताहरु खुल्न नसकेको बेला पोखरेललाई उछिनेर अरु नेताहरु पनि तत्कालै नेतृत्वमा आउने संभावना छैन ।
विगत एक महिनायताका सबै सार्वजनिक कार्यक्रममा ओली प्रमुख वक्ता भएका छन् । ईश्वर पोखरेल वा सुवास नेम्वाङ कोही नेता प्रमुख वक्ता भएर सहभागी भएका छैनन् । प्रधानमन्त्री ओली आफू सबैजसो कार्यक्रममा प्रमुख अतिथि र प्रमुख वक्ता भएको बेला पोखरेल दोस्रो र तेस्रोमा रामबहादुर थापा वादल वक्ता देखिएका छन् ।
ओली समूहमा देखिएका नेताहरुमा पोखरेलका अतिरिक्त रामबहादुर थापा वादल, सुवास नेम्वाङ, महासचिव विष्णु पौडेल, स्थायी कमिटी सदस्यहरु शंकर पोखरेल, प्रदीप ज्ञावाली, त्यसपछि गोकुल बाँस्कोटा, खगराज अधिकारी,महेश बस्नेत, वा भानुभक्त ढकाल मात्रै छन् । पूर्व माओवादी समूहबाट आएका टोपबहादुर रायमाझी वा लेखराज भट्टले नेतृत्व सम्हाल्ने अवस्था छैन् । उनीहरुले संगठन विस्तार गर्ने विषय पनि गौण बन्दै गएको छ ।
यसरी हेर्ने हो भने ओली मात्रै एउटा ‘फष्ट म्यान’का रुपमा देखिएका हुन् । केशव बडाल वा सोमनाथ प्यासीहरुले संगठन बनाउने अवस्था छैन । त्यस्तै पृथ्वी सुब्बा गुरुङ, किरण गुरुङहरुलाई ओली समूहले फष्टम्यान स्वीकार गर्ने अवस्था छैन । पूर्व माओवादी समूहबाट आएकाहरु प्नि फष्टम्यान बन्ने अवस्था पनि छैन ।
विष्णु पौडेललाई शंकर पोखरेलहरुले फष्टम्यान स्वीकार गर्ने अवस्था छैन् । सुवास नेम्वाङले सबैलाई समट्न नसक्ने र ईश्वर पोखरेल संकुचित मानसिकता भएकाले फष्टम्यान हुन नसक्ने भएकाले ओली समूहमा सर्वस्वीकार्य नेतृत्वकाे अभाव भएको हो ।
देशभर ओली समूहले आफ्नो संगठन विस्तारका लागि आफै भाषण दिएर हिड्न थालेका छन् । किसान संघको सभादेखि युवा विद्यार्थीहरुको भेलासम्म ओली सिंगलम्यान र फष्टम्यानका रुपमा देखिएका छन् । सबैतिर अरु नेताको भाषण भन्दा ओलीकै भाषण सुन्न मानिसहरु जम्मा हुने गरेका छन् ।
दाङमा शंकर पोखरेलले ओलीलाई लगेर पुल उद्घाटन गराए, पर्वतमा सवस्टेशन उदघाटन गर्न ओली नै सहभागी भए । प्राधिकरणका कार्यकारी निर्देशकले नै सो परियोजना उद्घाटन गर्न सक्थे वा ऊर्जामन्त्रीले नै गर्न सक्थे । तर ओलीले राज्यका सबै अङ्गलाई दुःख दिने काम गरे । प्रतिघण्टा एक लाख ५० हजार बराबरको भाडा पर्ने सेनाको हेलिकप्टर दुरुपयोग गरे ।
बिहीबार उनले त्यसैगरी राज्यको स्रोत र साधनको दुरुपयोग गर्दै पर्वतको कुस्मा पुगे । प्राधिरकणले ५० प्रतिशत मात्रै काम सकिएको बताएको प्रसारण लाइनको उद्घाटन गरे ।
उनले चुनाव घोषणा गरेपछि विकासे कार्यक्रम उद्घाटनदेखि कार्यकर्ताको भेलासम्ममा आफै भाषण दिन पुग्छन् । भर्खरै मिर्गौला प्रत्यारोपण गरेका प्रधानमन्त्री ओली आफै यसरी दौडिएका छन् कि मानौ उनी फेरी पनि राज्यको बागडोर सम्हाल्न आउँदैछन् । तर पार्टी विभाजन भएपछि भने उनी सत्तामा पुग्ने संभावना कमजोर बन्दै गएको छ । तर पनि ओली राज्यशक्तिको समेत प्रयोग गरेर देश दौडाहमा लागेका छन् । उनी अब हुने बुटवलको सभा र विराटनगरको सभामा समेत सम्बोधन गर्न पुग्दैछन् ।
शुक्रबार राजधानीमा भएको आमसभा पनि उनकै भाषण सुन्न कार्यकर्ताहरु लालयित भएको देखिन्थे । काठमाडौको कार्यक्रममा ईश्वर पोखरेल र रामबहादुर थापा बादल खासै जम्न सकेनन ।
उनीहरुको भाषणमा खास दमदार नभएपछि आयोजकले नै छोट्याउन आग्रह गरेका थिए । ओलीले मात्रै सवा घण्टा भाषण गरेका थिए ।त्यतिमात्र होइन प्रतिनिधि सभा विघटन गरेर निर्वाचन घोषणा गरेको सरकारको कामचलाउ प्रधानमन्त्रीले विकास निर्माणका काम, घोषणा, शिलान्यास, उद्घाटनसमेत गर्न पाउँदैनन् । नियमित प्रधानमन्त्री जसरी नै कानुन, विधि र संविधानमाथि बलात्कार गर्दै हिँडेका ओलीले मञ्च पाएपछि कम्तीमा सवाघण्टा भाषण दिने गरेका छन् ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार