विदेशबाट ६ महिनामा ४ खर्ब ९५ अर्ब रेमिट्यान्स भित्रियाे
नेपालबहस संवाददाता
माघ २६, २०७७ मंगलबार ०:५१:१८
२६ माघ, काठमाडौं । चालु आर्थिक वर्षको पहिलो ६ महिना ‘साउन–पुष’ मा रेमिट्यान्स ११.१ प्रतिशतले बढेर ४ खर्ब ९५ अर्ब ३१ करोड रुपैयाँ पुगेको छ । नेपाल राष्ट्र बैंकले सोमबार सार्वजनिक गरेको आर्थिक तथा वित्तीय अवस्थाबारे अध्ययन रिपोर्ट अनुसार रेमिट्यान्स ११.१ प्रतिशतले बढेर ४ खर्ब ९५ अर्ब ३१ करोड रुपैयाँ रेमिट्यान्स भित्रिएको हो ।
अघिल्लो वर्ष सोही अवधिमा ०.६ प्रतिशतले मात्र बढेको थियो । कोभिड– १९ महामारीका कारण गत आर्थिक वर्षमा फागुनदेखि वैशाखसम्म रेमिट्यान्स आप्रवाहमा प्रभाव देखिएको भएपनि जेठदेखि क्रमशः रेमिट्यान्स आप्रवाहमा सुधार भएको थियो । त्यसयता रेमिट्यान्समा क्रमिक सुधार आइरहेको छ । कोभिड–१९ विरुद्धको खोप विकाससँगै नेपालीहरूको श्रम गन्तव्यमा आर्थिक पुनस्र्थापनाले रेमिट्यान्सको आप्रवाह बढाएको छ ।
पछिल्ला महिनाहरूमा नेपालको आयात क्रमशः बढ्न लागेको भएपनि समग्र आयात भने ४.८ प्रतिशत संकुचन भएको छ । कोभिड–१९ पछि चीनसँगको स्थलमार्गबाट हुने व्यापार सुचारु हुन सकेको छैन । चामल, कच्चा सोयाविन तेल, एम.एस. बिलेट, सुन, दूरसंचारका उपकरण तथा पार्टपुर्जा लगायतका वस्तुको आयात बढेको छ भने पेट्रोलियम पदार्थ, हवाईजहाजका पार्टपुर्जा, कच्चा पाम तेल, अन्य मेसिनरी तथा पार्टपुर्जा, चाँदी लगायतका वस्तुको आयात घटेको छ ।
चालु आवको पहिलो ६ महिनामा ६ खर्ब ६१ अर्ब २५ करोड रुपैयाँको आयात भएको छ भने ६० अर्ब ८० करोड रुपैयाँको निर्यात भएको छ । समीक्षा अवधिमा निर्यात भने गत वर्षको सोही अवधिको तुलनामा ६.१ प्रतिशतले बढेको हो । निर्याततर्पm सुख्खा बन्दरगाह, विराटनगर, कैलाली, तातोपानी, कन्चनपुर र रसुवा भन्सार कार्यालयबाहेकका नाकाबाट गरिएको निर्यात वृद्धि भएको छ ।
यो अवधिमा मुलुकको भुक्तानी सन्तुलनको अवस्था ‘शोधनान्तर स्थिति’ एक खर्ब २४ अर्ब ९२ करोड रुपैयाँले बचतमा रहेको छ । अघिल्लो वर्षको सोही अवधिमा शोधनान्तर स्थिति २६ अर्ब ६५ करोड रुपैयाँ बचतमा थियो । चालु आर्थिक वर्षको पहिलो ६ महिनामा चालु खाता ४९ अर्ब ५३ करोडले घाटामा रहेको थियो । अघिल्लो वर्षको सोही अवधिमा चालु खाता ७९ अर्ब ६५ करोडले घाटामा रहेको थियो ।
विदेशी मुद्राको सञ्चिति असार मसान्तमा ११ अर्ब ६५ करोड डलर रहेकोमा पुष मसान्तमा ९.७ प्रतिशतले वृद्धि भई १२ अर्ब ७८ करोड डलर पुगेको छ । चालु आवको ६ महिनामा प्रत्यक्ष वैदेशिक लगानी ३७.२ प्रतिशतले कमी आई ७ अर्ब ६६ करोड रुपैयाँ कायम भएको छ । अघिल्लो वर्ष सोही अवधिमा खुद प्रत्यक्ष वैदेशिक लगानी १२ अर्ब २० करोड रुपैयाँ रहेको थियो ।
यस अवधिमा बैंक तथा वित्तीय संस्थाको निक्षेप संकलन ९.२ प्रतिशत र निजीक्षेत्रमाथिको दावी ११.० प्रतिशतले बढेको छ । वार्षिक बिन्दुगत आधारमा भने निक्षेपको वृद्धिदर २२.० प्रतिशत र निजी क्षेत्रमाथिको दावीको वृद्धिदर १५.० प्रतिशत रहेको नेपाल राष्ट्र बैंकले सार्वजनिक गरेको वर्तमान आर्थिक तथा वित्तीय स्थितिमा उल्लेख छ । चालु आवको पहिलो ६ महिनामा मूल्य वृद्धि भने ३.५६ प्रतिशत छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ट्रयाक्टरले किचेर एकको मृत्यु
बैशाख १३, २०८१ बिहिबार
ल्हासामा नेपाल–चीन सहायता परियोजनाको पहिलो बैठक सम्पन्न
बैशाख १३, २०८१ बिहिबार
भेरी करिडोरमा तीनवटा पक्की पुल निर्माण हुने
बैशाख १३, २०८१ बिहिबार
वेस्ट इन्डिज ए विरुद्ध खेल्ने नेपाली टिमको घोषणा
बैशाख १३, २०८१ बिहिबार
सुनचाँदीको मूल्य घट्यो, कतिमा हुँदै छ किनबेच ?
बैशाख १३, २०८१ बिहिबार
कटहरियाको आकस्मिक कक्षमा डाक्टर नहुँदा बिरामीका आफन्तद्वारा तालाबन्दी
बैशाख १३, २०८१ बिहिबार