एक महिनामा २४.९० प्रतिशतले बढ्यो विद्युतीय कारोबार, कुनबाट कति ?
नेपालबहस संवाददाता
माघ २७, २०७७ मंगलबार १८:५३:३६
२७ माघ, काठमाडौं । लकडाउनका कारण बैंक वित्त संस्था बन्द भएसँगै विद्युतिय कारोबार बढ्न गएको हो । सहजै रुपमा आवजजावतको अवस्था नहुँदा आम सर्वसाधारण विद्युतिय कारोबार गर्न थाले ।
जसपश्चात विद्युतीय भुक्तानीका माध्यममार्फत् हुने कारोबार एकाएक बढ्न थालेको हो । पछिल्लो एक महिनामै करिब ६ खर्ब रुपैयाँले विद्युतिय कारोबार बढेको छ ।
मंसिर महिनामा भएको विद्युतीय भुक्तानीमार्फत् भएका कारोबारको तुलनामा पुष महिनामा २४.९० प्रतिशत अर्थात् ५ खर्ब ९१ अर्ब ८३ करोड रुपैयाँले बढेको हो ।
राष्ट्र बैंकद्वारा सार्वजनिक देशको वर्तमान आर्थिक तथा वित्तीय स्थितिअनुसार पुष महिनामा विद्युतीय भुक्तानीका माध्यममार्फत् कुल २९ खर्ब ६९ अर्ब ११ करोड रुपैयाँ बराबरको कारोबार भएको थियो ।
कुनबाट कति ?
गत मंसिर महिनामा विद्युतीय भुक्तानीका माध्यममार्फत २३ खर्ब ७७ अर्ब २७ करोड रुपैयाँ बराबरको कारोबार भएको थियो । जुन एटीएम, मोबाइल, इन्टरनेट बैंकिङ, आरटीजीएस, इसीसी, आइपीएस, कनेक्ट आइपीएस, इ–कमर्श, पीओएस, क्यूआरकोड, डेविट कार्ड, क्रेडिटकाड, प्रिपेड कार्ड, शाखारहित बैकिङ र वालेटमार्फत् भएको कारोबार हो ।
तर मंसिर महिनाको तुलनामा पुषमा पीओएस, क्यूआरकोर्ड र क्रेडिट कार्डमार्फत् हुने कारोबार भने घटेको छ । गत मंसिर महिनामा क्रेडिट कार्डमार्फत् १ अर्ब २० करोड रुपैयाँको कारोबार भएकोमा पुस महिानामा २४ करोड ५० लाख रुपैयाँले घटेर ९५ करोड ५० लाख रुपैयाँमा सीमित भएको छ ।
साथै, मंसिर महिनाको भन्दा पीओएसमार्फत् हुने कारोबार ५ करोड २० लाख रुपैयाँले घटेर ३ अर्ब ५ करोड ३० लाख रुपैयाँ र क्यूआरकोर्डको कारोबार १ करोड १० लाख रुपैयाँले घटेर १ अर्ब २४ करोड ५० लाख रुपैयाँमा पुस महिनामा सीमित भएको छ ।
गत मंसिर महिनाको भन्दा पुस महिनामा आरटीजीएसबाट ३ खर्ब ७९ अर्ब १७ करोड रुपैयाँले बढेर १६ खर्ब ८४ अर्ब ३ करोड रुपैयाँ र एटीएमबाट २ अर्ब ५१ करोड रुपैयाँले बढेर ५८ अर्ब ७६ करोड रुपैयाँ पुगेको छ ।
साथै, सो अवधिमा इसीसीमार्फत हुने कारोबार १ खर्ब ४९ अर्ब ९८ करोड रुपैयाँले बढेर ७ खर्ब ६२ करोड ७६ लाख रुपैयाँ पुगेको छ ।
मंसिर महिनाको भन्दा पुस महिनामा आइपीएसबाट ४१ अर्ब ९४ करोड रुपैयाँले बढेर २ खर्ब ४२ अर्ब ५३ करोड रुपैयाँ र कनेक्ट आइपीएसबाट १० अर्ब ७६ करोड रुपैयाँले बढेर १ खर्ब ७७ करोड रुपैयाँ पुगेको छ ।
साथै, सो अवधिमा डेविट कार्डबाट २ अर्ब ७६ करोड रुपैयाँले बढेर ६ अर्ब ६० करोड रुपैयाँ र प्रिपेड कार्डबाट २ करोड रुपैयाँले बढेर १० करोड ८० लाख रुपैयाँ पुगेको छ ।
यस्तै, मंसिर महिनामा भएको कारोबारभन्दा पुस महिनामा मोबाइल बैंकिङबाट २ अर्ब ८६ करोड रुपैयाँले बढेर ३३ अर्ब १५ करोड रुपैयाँ, इन्टरनेट बैंकिङबाट १ अर्ब २९ करोड रुपैयाँले बढेर ८ अर्ब ५० करोड रुपैयाँ र शाखारहित बैकिङबाट ६ करोड ७० लाख रुपैयाँले बढेर १ अर्ब ११ करोड ५० लाख रुपैयाँ पुगेको छ ।
साथै सो अवधिमा इ–कमर्स मार्फत् ८ करोड रुपैयाँले कारोबार बढेर ८४ करोड ३० लाख रुपैयाँ र वालेमार्फत् ६६ करोड ९० लाख रुपैयाँले कारोबार बढेर ९ अर्ब ६५ करोड ६० लाख रुपैयाँ पुगेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमिटरब्याजीको आरोपमा जनमतका केन्द्रीय सदस्य सुरेन्द्र मधेसी पक्राउ
चैत २०, २०७९ सोमबार
मिटरब्याजी पिडीत: एक टोली गयो, अर्को आयो
चैत २०, २०७९ सोमबार
प्रधानमन्त्रीले मिटरब्याजपीडितको समस्या समाधान गर्नुपर्छः शर्मा
चैत १६, २०७९ बिहिबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार
चीनको केन्द्रीय बैंकका पूर्वडेपुटी गभर्नरमाथि घुस लिएको आरोप
बैशाख ६, २०८१ बिहिबार
सहसचिव अधिकारी, शर्मा र खरेललाई सचिवमा बढुवा गर्ने मन्त्रिपरिषदको निर्णय
बैशाख ६, २०८१ बिहिबार
लुम्बिनीमा ११ सदस्यीय मन्त्रिपरिषद, सात जनाले आज लिए शपथ
बैशाख ६, २०८१ बिहिबार