लोकतन्त्रको अन्तर्राष्ट्रिय समर्थन खोज्दै प्रचण्ड-माधव

२७ माघ, काठमाडौं । नेकपा प्रचण्ड–माधव समूहले अन्तर्राष्ट्रिय समर्थन खोज्ने भएका छन् । आज अन्तर्राष्ट्रिय सञ्चार माध्यममा आवद्ध सञ्चारकर्मीहरुसँग कुरा गर्दै समुहले लोकतन्त्रको पक्षमा हुने सबै देशको समर्थन हामीलाई चाहियो भनेर औपचारिक अपील गरेको बताएका हुन ।

चीन, भारत, अमेरिका र युरोपेली युनियनलगायत लोकतन्त्र पक्षधरहरुको समर्थन खोजिएको नेताहरुले बताएका छन् । नेपालमा लोकतन्त्रको हत्या भइरहेकोले अन्तर्राष्ट्रिय देशहरुको समर्थन खोजिएको जनाएको छ ।

सञ्चारकर्मीहरुसँग कुरा गर्दै अध्यक्षद्वय पुष्पकमल दाहाल प्रचण्ड र माधवकुमार नेपालले संसद विघटन संविधान, संघीय लोकतान्त्रिक गणतन्त्र र शान्ति प्रक्रियामाथिकै प्रहार भएको बताएका छन् । लोकतन्त्रको पक्षमा हुने सबैको समर्थन चाहियो भनेर अलग–अलग भेटेर छलफल भईसकेको र छिट्टै संयुक्त छलफलसमेत हुनसक्ने बताएको छ ।

५ पुसमा प्रतिनिधिसभा विघटन भएपछि विभाजित नेकपाको प्रचण्ड–माधव समूह सडक आन्दोलनमा छन् । त्यस्तै उक्त समुहले भोलि काठमाडौंमा आमसभाको कार्यक्रम गर्दै छ ।