बजार अनुगमनमा कृषिमन्त्री अर्याल

२७ माघ,काठमाडौं । कृषि तथा पशुपन्छी विकास मन्त्री पद्माकुमारी अर्याल कालिमाटी फलफूल तथा तरकारी बजारमा पुगेकी छिन् । आज मन्त्री अर्यालले कालिमाटी बजारको अनुगमन गरेकी हुन ।

मन्त्री अर्यालले कालिमाटीस्थित तरकारी बजारमा पुगेर अनुगमन गर्दै त्यहाँको बजारको वस्तुस्थितिको बारेमा जानकारी लिएकी छिन् । उनले तरकारी बजारको स्टल र सरसफाइ कार्यलाई व्यवस्थित गर्न कार्य तालिका र कार्यान्वयनको अवस्था लिएर फागुन १ गते मन्त्रालयमा उपस्थित हुन कालीमाटी फलफूल तथा तरकारी बजार विकास समितिलाई निर्देशन समेत दिएकी छिन् ।

कालीमाटी बजार अनुगमन गर्न पुगेकी मन्त्री अर्यालले तरकारी, माछा, स्टलको भाडा, मूल्य र स्टललगायतका बारेमा जानकारी लिएकी छिन् ।