भागरथी हत्याको ६ दिनः अनुसन्धान फितलो
नेपालबहस संवाददाता
माघ २८, २०७७ बुधबार १४:३:७
२८ माघ, काठमाडौं । किशोरी भागरथी भट्टको बलात्कारपछि हत्या भएको पुष्टि भएको ६ दिनसम्म प्रहरीले दोषी पहिचान गर्न सकेको छैन। जिल्ला अस्पतालले दिएको पोस्टमार्टम रिपोर्टअनुसार बलात्कारपछि घाँटी थिचेर उनको हत्या भएको हो। तर प्रहरीले दोषी पत्ता लाग्ने गतिलो आधार फेला पार्न सकेको छैन। घटनास्थलमा फेला परेको भागरथीको मोबाइल र फेसबुक एकाउन्टबाट पनि सुराक पत्ता लगाउन सकिएको छैन।
सुदूरपश्चिम प्रदेश प्रहरी प्रमुख डिआइजी उत्तम सुवेदीले पोस्टमार्टम रिपोर्ट प्राप्त भएको बताए। ‘पोस्टमार्टम रिपोर्टअनुसार बलात्कारपछि घाँटी थिचेर हत्या भएको देखिएको छ,’ उनले भने, ‘सामूहिक बलात्कार हो वा होइन भन्ने विषय अहिले नै यकिन हुन सकेको छैन।’ थप अनुसन्धानका लागि भेजाइनल स्वाब आइतबार प्रहरी केन्द्रीय प्रयोगशाला पठाइएको प्रहरीले बताएको छ। पोस्टमार्टम रिपोर्टमा भागरथीको बलात्कारपछि बीभत्स तरिकाले हत्या गरिएको, टाउको, खुट्टा, हातमा चोट लागेको, मुख र गुप्तांगबाट रगत बगेको उल्लेख छ।
घटना अनुसन्धानका लागि सुदूरपश्चिम प्रदेश प्रहरी प्रमुख डिआइजी सुवेदी, प्रदेश प्रहरीका एसएसपी जनक पाण्डे नेतृत्वको टोली र केन्द्रीय अनुसन्धान ब्युरो ९सिआइबी० बाट डिएसपी नेतृत्वको टोली खटिएको छ। धनगढीबाट तालिम प्राप्त कुकुर पनि अनुसन्धानका लागि बैतडी ल्याइएको छ।
आइतबार बैतडी आएका डिआइजी सुवेदी अनुसन्धान नसकिएसम्म यतै बस्ने योजनामा रहेको प्रहरी स्रोतले बताएको छ। अहिलेसम्म सोधपुछ क्रम जारी रहेकाले नियन्त्रणमा कसैलाई नलिइएको बैतडीका डिएसपी नारायणप्रसाद अधिकारीले बताए। धेरैजना शंकाको घेरामा भएकाले निष्कर्षमा पुग्न ढिलाइ भइरहेको उनले जनाए । नागरिक दैनिकमा बिरा गडालले खबर लेखेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसरकारको बेइमानी : १३ लाख बालबालिकाको भविष्य जोखिममा
कात्तिक ८, २०८० बुधबार
राजधानीको हल्चोक स्थित रातामाटामा चङ्गा उडाउँदै [ फोटोफिचर ]
असोज २३, २०८० मंगलबार
अनधिकृत अनुवाद र पाइरेसीको विकृत धन्दा, एउटाको दुःख, अर्कोलाई मोज
असोज ८, २०८० सोमबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आगामी वर्षको बजेट लेख्न अर्थ मन्त्रालयले बनायो समिति
चैत १६, २०८० शुक्रबार
शुक्लाफाँटामा दुर्लभ मानिएको बाह्रसिङ्गाको गणना हुँदै
चैत १६, २०८० शुक्रबार
नेपाली सेनाको उच्चस्तरीय राष्ट्रिय सुरक्षा तालिम सम्पन्न
चैत १६, २०८० शुक्रबार
सवारी दुर्घटनाः सुदूरपश्चिममा साढे तीन वर्षमा ६ सय ७४ को मृत्यु
चैत १६, २०८० शुक्रबार
राजस्व छलीका गाडी र मोटरसाइकलसहित तीन जना पक्राउ
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार