पौड्यालको राजीनामा लगत्तै सनराइज बैंकको सीईओमा सुमन शर्मा नियुक्त
नेपालबहस संवाददाता
माघ २८, २०७७ बुधबार १९:५१:४१
२८ माघ, काठमाडौं । सञ्चालकहरु बीच सदावहार विवाद हुने सनराइज बैंकको प्रमुख कार्यकारी अधिकृत (सीईओ) मा सुमन शर्मा नियुक्त भएका छन् । बुधबार बसेको बैंक सञ्चालक समिति बैठकले कुशल बैंकर शर्मालाई चार वर्षका लागि सीईओमा नियुक्त गर्ने निर्णय गरेको हो ।
सनराइज बैंकका निर्वतमान सीईओ जनक शर्मा पौड्यालले मंगलबार मात्रै पदबाट राजीनामा दिएका थिए । पौड्यालको राजीनामा स्वीकृत गरेको भोलिपल्टै शर्मालाई नयाँ सीईओ नियुक्त गरिएको हो । उनले आज बुधबारबाटै कार्यभार सम्हालिसकेका छन् ।
बैंकिङ क्षेत्रमा २२ बर्षभन्दा बढीको अनुभव सम्हालेका शर्मा कुशल बैंकरको रुपमा चिनिन्छन् । यसअघि उनी माछापुच्छ्रे बैंकको प्रमुख कार्यकारी अधिकृत रहेका थिए । चार बर्षे कार्यकालमा २ बर्ष बाँकी रहँदै उनले गत ०७६ फागुन २८ गते माछापुच्छ्रे छाडेका थिए । त्यसपछि खाली बसिरहेका थिए । लगानी बोर्ड र नेपाल इन्फ्रास्ट्रचर बैंकको सीईओमा पनि उनको नाम चर्चामा थियो ।
माछापुच्छ्रेमा सीईओ हुनुअघि शर्मा ग्लोबल आईएमई बैंकमा नायव प्रमुख कार्यकारी अधिकृत थिए । त्यसपछि शर्मा माछापुच्छ्रे बैंककै नायव प्रमुख कार्यकारी अधिकृतको रुपमा काम गरेका थिए ।
शर्माले एनएमबी बैंकको सहायक महाप्रबन्धक भएर पनि काम गरेका थिए । उनले सन् १९९७ मा नेपाल एसबीआई बैंकमा अधिकृतस्तरबाट बैंकिङ करियर सुरु गरेका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार