मंगलबार , फागुण १८, २०७७

कोरोनाले ७५ प्रतिशत लघु तथा घरेलु उद्योग बन्द

कोरोनाले ७५ प्रतिशत लघु तथा घरेलु उद्योग बन्द

 २९ माघ, काठमाडौं । कोरोना भाइरसका कारण नेपालमा ७५ प्रतिशत लघु तथा घरेलु उद्योग पूर्ण रुपमा बन्द भएका छन् । कोरोनाका कारण सबैभन्दा धेरै लघु तथा घरेलु उद्योग प्रभावित भएको उद्योग, वाणिज्य तथा आपूर्ति व्यवस्था मन्त्रालयले सार्वजनिक गरेको उद्योगमा कोभिडले पारेको प्रभावको अध्ययन प्रतिवेदनमा उल्लेख छ ।

मन्त्रालयले सार्वजनिक गरेको उक्त अध्ययन प्रतिवेदनअनुसार ५४ प्रतिशत उद्योगहरुको ५० प्रतिशत उत्पादन क्षमतामा गिरावट आएको, ३२ दशमलव ४३ प्रतिशत उद्योगको ७५ प्रतिशतसम्म उत्पादनमा गिरावट आएको र २३ दशमलव ५२ प्रतिशत लघु घरेलु उद्योगको उत्पादन क्षमतामा ७५ प्रतिशत घटेको छ ।

Kumari Bank 300x290 new
Global IME Bank new
Nepal Life Insurance

उक्त अध्यनमा गरगहना, रंगरोगन, पेयपदार्थ, सिमेन्ट, तामा पित्तल भाडा, जलुविद्युत् उत्पादन, हस्तकला, तयारी पोशाक, परामर्शलगायत वस्तु तथा सेवा उत्पादन गर्ने उद्योगलाई समावेश गरिएको थियो । अध्यनमा लघु तथा घरेलु उद्योग १७, साना उद्योग आठ, मझौला चार र ठूला आठ उद्योग गरी ३७ उद्योगलाई नमूना ‘स्याम्पल’ को रूपमा रहेका थिए । प्रतिशतको आधारमा २२ प्रतिशत ठूला उद्योग, ४६ प्रतिशत लघु घरेलु उद्योग, ११ प्रतिशत मझौला उद्योग र २१ प्रतिशत साना उद्योग अध्ययनमा सहभागी थिए ।

यसैगरी, अध्ययनमा सहभागी लघु तथा घरेलु उद्योगमध्ये ८२ दशमलव ३५ प्रतिशत उद्योगले कोभिड–१९ का कारण उत्पादनमा असर परेको, ७६ दशमलव ४७ प्रतिशतले कच्चा पदार्थ प्राप्ती गर्न कठिनाइ भएको र ८८ दशमलव २४ प्रतिशतले आफ्नो उत्पादनको बजारीकरण गर्न नसकेको बताएका थिए । यसैगरी, ८७ दशमलव ५ प्रतिशत साना उद्योगको उत्पादनमा प्रत्यक्ष असर परेको तथा ७५ प्रतिशत कच्चा पदार्थ प्राप्त गर्न कठिनाइ भएको प्रतिक्रिया दिएका थिए । ८७ दशमलव ५ प्रतिशत उद्योगले श्रमिकको परिचालन र उत्पादनको बजारीकरणमा असर परेको बताएका थिए ।

यस्तै अध्ययनमा सहभागी ५० प्रतिशत मझौला उद्योगले कच्चा पदार्थ प्राप्तिमा समस्या भएको, ७५ प्रतिशत उद्योगले श्रमिक परिचालनमा समस्या परेको बताएका थिए । ठूला उद्योगले भने कच्चा पदार्थको प्राप्ति, वस्तु तथा सेवाको उत्पादन, श्रमिक परिचालन तथा बजारीकरण सबै क्षेत्रमा असर परेको बताएका थिए । कोरोनाका कारण अधिकांश उद्योग नोक्सानमा रहेको तथा अध्ययनमा सहभागी उद्योगमध्ये १६ दशमलव २२ प्रतिशत मात्र नाफामा थिए । नाफामा रहेका उद्योगमध्ये ६६ दशमलव ६७ प्रतिशत ठूला उद्योग रहेका थिए ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

कांग्रेस वीपीद्वारा नेता जोशीको स्वास्थ लाभको कामना कांग्रेस वीपीद्वारा नेता जोशीको स्वास्थ लाभको कामना २ दिन पहिले
पेन्सन कागजात बनाउन आएका सेवाग्राहीसँग घूस लिने अधिकृत, क्यान्टिन सञ्‍चालक र चालकविरुद्ध मुद्दा पेन्सन कागजात बनाउन आएका सेवाग्राहीसँग घूस लिने अधिकृत, क्यान्टिन सञ्‍चालक र चालकविरुद्ध मुद्दा २ हप्ता पहिले
कानुन मान्दिनँ भनेर उपद्रो मच्चाएर हिँड्ने दिन गए : ओली कानुन मान्दिनँ भनेर उपद्रो मच्चाएर हिँड्ने दिन गए : ओली ४ हप्ता पहिले
मलाई चिटिक्क चिमोट्न प्रिया मलाई चिटिक्क चिमोट्न प्रिया २ हप्ता पहिले
दक्षिण कोरियामा १० लाख नेपालीको रोजगार गुम्यो दक्षिण कोरियामा १० लाख नेपालीको रोजगार गुम्यो २ हप्ता पहिले
प्रदेश १ को तेस्रो वार्षिकोत्सव, समृद्धि र समुन्नतिको लक्ष्य हासिल प्रदेश १ को तेस्रो वार्षिकोत्सव, समृद्धि र समुन्नतिको लक्ष्य हासिल २ हप्ता पहिले
प्रवासी नेपाली एकता मञ्च पोर्चुगलको संयोजकमा लिम्बू प्रवासी नेपाली एकता मञ्च पोर्चुगलको संयोजकमा लिम्बू २ हप्ता पहिले
वरिष्ठ पत्रकार चुडालद्धारा खड्कालाई कोभिड बीमाको रकम हस्तान्तरण वरिष्ठ पत्रकार चुडालद्धारा खड्कालाई कोभिड बीमाको रकम हस्तान्तरण ४ हप्ता पहिले