डेढ अर्ब भ्रष्टाचार काण्डको फाइल बन्द गर्ने ढाकछोप आयोगलाई बधाई : नेता गुरुङ

३० माघ, काठमाडौं । नेपाली कांग्रेसका नेता धनराज गुरुङले अख्तियारले आयल निगम जग्गा खरिदको डेढ अर्ब भ्रष्टाचार काण्डको फाइल बन्द गरेकोमा बधाई दिएका छन् ।

आयोगले नेपाल आयल निगमको पेट्रोलियम भण्डारणका निम्ति जग्गा किन्दा भएको घोटाला प्रकरणको फाइल बन्द गरेकोमा सामाजिक सञ्जाल ट्वीटर एक विचार लेख्दै नेता गुरुङले जुन काण्डमा जग्गाधनीहरुलाई मालपोत कार्यलयमा सहिछाप गराएको मूल्य, तत्कालीन समयमा उनीहरुले पाएको यथार्थ रकम भन्दा ३–४ गुणा बढी रहेको र साथै चल्तीको मूल्य भन्दा पनि ३–४ गुणा बढी छ, भनेका छन् ।

आयोगले झापा, सर्लाही, चितवन र भैरहवामा ७६ बिघा जमिन १ अर्ब ९५ करोड ५० लाखमा किन्दा करिब डेढ अर्ब घोटाला भएको प्रकरणको फाइल अख्तियारले अनियमितता नभएको ठहर गर्दै बन्द गरेको हो ।

अख्तियारले आयल निगम जग्गा खरिदको डेढ अर्ब भ्रष्टाचार काण्डको फाइल बन्द गरेछ। जुन काण्डमा जग्गाधनीहरुलाई मालपोत कार्यलयमा सहिछाप गराएको मूल्य, तत्कालीन समयमा उनीहरुले पाएको यथार्थ रकम भन्दा ३;४ गुणा बढी छ। साथै चल्तीको मूल्य भन्दा पनि ३;४ गुणा बढी छ।
बधाई छ ढकछोप आयोगलाई!

— Dhan Raj Gurung (@dhanrgrg) February 12, 2021