शुक्रबार , फागुण २१, २०७७

बलात्कार घटनामा राज्यको अस्तित्व प्रभावकारी बनाउन कांग्रेसको माग

बलात्कार घटनामा राज्यको अस्तित्व प्रभावकारी बनाउन कांग्रेसको माग

३० माघ, काठमाडौं । बैतडीको दोगडाकेदारकी किशोरी भागरथी भट्टको बलात्कार र हत्यामा संलग्न दोषी घटनाको दोस्रो साता प्रवेश गर्दासम्म पक्राउ नपर्नु, उनको शव अस्पतालमा रहिरहनु र परिवारजनले पीडामाथि पीडा भोग्नुको स्थितिलाई  नेपाली कांग्रेसले दुःखद र गम्भीर रूपमा लिएको छ ।

कांग्रेस प्रवक्ता विश्वप्रकाश शर्माले प्रेस नोट जारी गर्दै अनुसन्धान तीव्र बनाउन, दोषी अविलम्ब पक्राउ गर्न, बैतडी घटनासँगै देशभरका सबै घटनाविरुद्ध राज्यको अस्तित्व प्रभावकारी बनाउन प्रधानमन्त्रीसमक्ष माग गरेका छन् ।

Kumari Bank 300x290 new
Global IME Bank new
Nepal Life Insurance

महिलाउपर हिंसा, बलात्कार र हत्याका जघन्य अपराध बढेर जाँदा राज्यले विशेष नीति अख्तियार गर्न र प्रशासन संयन्त्रलाई थप तदारुक बनाउन विज्ञप्ति मार्फत माग गरिएको छ ।

यसैबीच, भट्टको बलात्कार पछि हत्या प्रकरणबारे बुझ्न नेपाली कांग्रेसले नेता खटाएको छ । बैतडीकी भागरथी भट्टको बलात्कार र हत्याबारे अध्ययन गरी प्रतिवेदन बुझाउन पार्टी नेतालाई खटाएको हो ।

कांग्रेसका अनुसार स्थलगत अध्ययन गरी लिखित प्रतिवेदन पेश गर्न र स्थानीय तथा परिवारसँग भेट गर्न केन्द्रीय सदस्य रमेश लेखकलाई पार्टीले जिल्लामा पठाइएको हो । उनी शुक्रबार नै बैतडी पुग्ने कांग्रेसले जनाएको छ ।

घटना भएको दोस्रो साता प्रवेश गर्दासम्म पक्राउ नपर्नुले परिवारजनले पिडामाथि पीडा थप्ने काम भएको कांग्रेसले बताएको छ । साथै अनुसन्धान तीब्र बनाउन, दोषी अविलम्ब पक्राउ गर्न र देशभरका सबै घटनाविरुद्ध राज्यको अस्तित्व प्रभावकारी बनाउन प्रधानमन्त्री समक्ष माग गरेको छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय