प्रचण्ड– नेपालको आन्दोलनमा योगेश–घनश्यामहरु कता वेपत्ता ?
नेपालबहस संवाददाता
फागुन २, २०७७ आइतबार १८:३३:४४
२ फागुन, काठमाडौं । नेपाल कम्युनिष्ट पार्टी (नेकपा) नेपाल–दाहाल समूहले आयोजना गर्ने विरोध सभामा दुई युवा पात्र अहिले गुमनाम देखिएका छन् । माघ २८ गते राजधानीमा भएको ठूलो आमसभामा पनि ती युवाहरु देखिएनन भने पूर्वको धनकुटामा भएको आमसभामा पनि ती युवाहरु देखिएनन ।
उनीहरु राजधानी केन्द्रीत वा अर्को आन्दोलनमा देखिएका छैनन । संघर्ष समितिको सहसंयोजक समेत रहेका योगेश भट्टराई र घनश्याम भूषाल अहिले गुमनाम देखिएका हुन् । पार्टी प्रवक्ता नारायणकाजी श्रेष्ठको हठका कारण आन्दोलन अनियन्त्रित हुँदै गएको भन्दै भूषाल र भट्टराईको सक्रिय सहभागिता देखिएको छैन ।
भट्टराई आन्दोलनको सहकमाण्डर भएपनि उनको भूमिका नदेखिएपछि अहिले काठमाडौबाहिर भएको बहानमा खास देखिएका छैनन । आमहड्ताल गर्नु हुदैन भन्ने मान्यता राखेका भट्टराई हड्तालमा सहभागी भएनन । सो समूहका अध्यक्षद्धय माधवकुमार नेपाल र पुष्पकमल दाहालले आमहड्ताल गणतन्त्रविरोधि विरुद्धको अभियान भएकाले जनतालाई थोरै दुःख भएपनि यसले जनताकै पक्षमा र न्यायका लागि आफूहरु सडकमा आउनु परेको बताएको भएपनि ती दुई नेताले खास प्रतिक्रिया दिएका थिएनन ।
यही क्रममा योगेश भट्टराईले एउटा ट्वीट गरेर आमहड्ताललाई भौतिक सहभागिता नजनाई टारेका थिए । ‘सत्ताको आडमा मंडलेतन्त्रको उदय, उन्माद र स्वेत आतंक अनि पतन सुनेको मात्र होईन देखेको र भोगेको पनि हो ! ढिलो वा चांडो मार्ग त्यही हो’, भट्टराईले गरेको ट्वीटमा भनिएको थियो । तर भूषालले भने त्यो औपचारिकता पनि पूरा गरेनन ।
नेपाल–दाहाल समूहको आन्दोलन संघर्ष समितिको प्रवक्ता समेत रहेका भट्टराई केही दिनदेखि सो समूहले आयोजना गर्ने पत्रकार सम्मेलनमा समेत सहभागी भएका छैनन । माघ ९ गते काठमाडौमा गरिएको विशाल आमसभाको क्रममा भट्टराईलाई उद्घोषण दिने भनिएपनि एकाएक पम्फा भूषालको उदयभएपनि उनी त्यसदिन पनि बाहिरिएका थिए । त्यसयता भट्टराई खासै राम्रोसँग आन्दोलनमा सहभागी भएका छैनन ।
‘उहाँ काठमाडौं बाहिर हुनुहुन्छ त्यही भएर अहिले काठमाडौमा नदेखिनु भएको हो बाहिरकै कमाण्डमा रहनुभएकाले उहाँलाई आन्दोलनले मिस गरिरहेको छ’, उनी निकट एक नेताले भने । माघ २८ गते पनि उनको सहभागिता देखिएन । माघ २८ गते उनलाई वक्ता चयन गर्ने जिम्मेवारी दिएर वक्ताबाटै बन्चित गरिएको थियो । माघ २८ गतेको सभामा वक्ता चयन गर्दा पनि विवाद भएको थियो । समावेशी बनाउने भन्दै वक्ता चयनमा प्रवक्ता नारायणकाजीले हस्तक्षेप गरेका थिए । त्यसपछि पनि भट्टराई पूरै रिसाएका छन् ।
उनले आफू निकट साथीहरुसँग पूर्व माओवादीका नेताहरु बढी नै हठी रहेछन उनीहरुसँग सँगै हिड्न सकिदैन कि भनेर सुनाउन थालेका छन् । यद्यपि यो विषयमा भट्टराई कतै मुख खोलेका छैनन । पार्टीभित्र स्थायी कमिटीको बैठक नबसेको र आन्दोलनको पूरै समीक्षा नभएका कारण उनीहरुले आफ्ना भनाईहरु राख्न नसकेको स्रोतको दावी छ ।
समूहका अर्का अध्यक्ष माधवकुमार नेपाल पूर्वको कार्यक्रममा भए पनि त्यहाँ पनि भट्टराई उपस्थित भएनन । भुषाल भने आफ्नै जिल्लाका उद्योगी व्यवशायीहरुसँगको छलफलमा जुटेका थिए । रुपन्देहीमा आफ्नो निर्वाचन क्षेत्र खासै सुरक्षित नभएका कारण उनी यसपटक निर्वाचन भएपनि प्रत्यक्षतर्फको उम्मेदवार हुने संभावना निकै कठिन रहेको स्रोतको दावी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
लोकरिझ्याईं राजनीतिको ‘महाजात्रा’मा हरिवंश आचार्य
कुसुम भट्टराई
बैशाख ५, २०८१ बुधबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एलोन मस्कको भारत भ्रमण स्थगित
बैशाख ८, २०८१ शनिबार
कुम्भमेलामा १० दिनमा दुई लाखभन्दा बढी दर्शनार्थी सहभागी
बैशाख ८, २०८१ शनिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
अब हामी देशमा अर्को उथलपुथल ल्याउँछौँः माधव नेपाल
बैशाख ८, २०८१ शनिबार