शेयरबजारमा बन्यो नयाँ रेकर्ड, सूचकले पार गर्यो २६०० बिन्दु, निफ्राको शेयरको उच्च माग

४ फागुन, काठमाडौं । मंगलबार शेयरबजार सूचकले २६ सय ६ अंकको बिन्दु पार गरेको छ। यो नेपाली शेयर बजारको इतिहासमा अहिलेसम्मकै उच्च बिन्दु हो।

आइतबार साँझ सार्वजनिक मौद्रिक समीक्षामा सेयर बजारलाई प्रभावित पार्ने कुनै पनि विषय उल्लेख नभएपछि सोमबार शेयर बजार ९२ अंकले बढेको थियो।

मंगलबार पनि बजारको उकालो यात्रा कायमै रहँदा सामान्य कारोबार केहि मिनेटमै बजारले ३६२३ अंकको बिन्दु छोएको हो।

त्यसपछि केही समय ओरालो लागेको बजार समाचार तयार पार्दा सम्म २६०८ अंक पुगेको छ।

चन्द्रागिरी हिल्स कम्पनीको शेयर मूल्य १० प्रतिशतले बढेर कारोबार भइरहेको छ।

नबिल बैंक र ग्लोबल आइएमई बैंकको सर्वाधिक ४२ र २९ करोड रुपैयाँ भन्दा बढीको कारोबार भइसकेको छ।