१२ उपसुचकमध्ये लगानीकर्ताको रोजाइमा किन पर्यो बैंकिङ समुह ?
नेपालबहस संवाददाता
फागुन ४, २०७७ बुधबार १:४६:३७
४ फागुन, काठमाडौं । आज १२ उपसुचकमध्ये लगानीकर्ताको रोजाईमा बैंकिङ समुह परेको छ । निरन्तर उकालो यात्रामा रहेको धितोपत्र बजारमा शेयर कारोवार मापक नेप्से परिसूचक दोहोरो अङ्कले वृद्धि भई आज पनि नयाँ उचाईमा पुगेको हाे ।
आजको वृद्धिपछि नेप्सेले दुई हजार ६०० बिन्दुको यात्रा तय गरेको छ । यो हालसम्मकै उच्च हो । नेपाल स्टक एक्सचेञ्जका अनुसार नेप्से २५.५० बिन्दुले उकालो लागेर दुई हजार ६०१.५१ मा पुगेको छ । यस्तै ठूला कम्पनीको शेयर कारोवार मापन गर्ने सेन्सेटिभ परिसूचक ४.०९ ले उकालो लागेर ४७३.५३ मा पुगेको छ ।
नेप्सेमा दोहोरो अङ्कको सुधार हुुँदा कारोवार रकमसमेत उच्च नै देखिएको छ । कूल २०८ कम्पनीको एक करोड ७७ लाख ३२ हजार ७६५ कित्ता शेयर रु १० अर्ब तीन करोड ५४ लाख ५४ हजार ९५५ मा कारोवार भयो ।
मङ्गलबारको कारोवारपछि बजार पूँजीकरण झण्डै रु ३६ खर्बको हाराहारीमा पुगेको छ । यो मुलुकको कूल गार्हस्थ्य उत्पादनको हाराहारी नै हो । आजको बजार पूँजीकरण रु ३५ खर्ब ८४ अर्ब ७६ करोड सात लाख ९० हजार बराबर भएको छ ।
कारोवार भएकामध्ये आज चार उपसमूहको शेयर उकालो लाग्दा आठ उपसमूहको शेयर भने ओरालो लागेको छ । लगानीकर्ता बैंकिङ उपसमूहमा आकर्षित हुँदा विकास बैंक र अन्य उपसमूह हरियो भएको छ । बैंकिङ ३८.४१, विकास बैंक ६.४७, अन्य ५.५४ र सामूहिक लगानी कोष ०.११ ले उकालो लागेको छ । यस्तै, व्यापार ३७.९५, होटल १३.०२, जलविद्यस्त् २६.९८, वित्त ९.३९, निर्जीवन बीमा ३७.८६, उत्पादन ११०.०४, लघुवित्त २४.८१ र जीवन बीमा ५४.११ बिन्दुले घटे ।
कारोवारका आधारमा आज नबिल बैंक शीर्षस्थानमा रहेको छ । सो बैंकको रु ५४ करोड ४४ लाख ५६ हजार बराबरको कारोवार भयो । यस्तै, ग्लोबल आइएमई बैंक रु ४२ करोड ५० लाख ७१ हजार ९१६, नेपाल बैंक रु ३९ करोड १६ लाख १५ हजार ४५१, नेको इन्स्योरेन्स रु ३७ करोड ३४ लाख ८५ हजार ५७४, एनआईसी एशिया बैंक रु ३३ करोड ६७ लाख ६५ हजार १५६, शिखर इन्स्योरेन्स रु ३० करोड ५९ लाख चार हजार ३४५, हिमालयन डिस्टिलरी रु २६ करोड ९४ लाख ७२ हजार ८३६, सिद्धार्थ बैंक रु २६ करोड १० लख ६५ हजार २८९ , एनएमबी बैंक रु २४ करोड ७० लाख २७ हजार ७२१ र कुमारी बैंक रु २० करोड ३७ लाख ४० हजार ५१३ बराबरको कारोवार भई शीर्ष स्थानमा रहेको छ ।
कारोवारका आधारमा आज चन्द्रागिरि हिल्स लिमिटेडको सकारात्मक सर्किट लागेको छ । सो कम्पनीका लगानीकर्ताले १० प्रतिशतले कमाए । यस्तै, नेपाल पूर्वाधार विकास बैंक ९.९८, मिर्मिरे माइक्रोफाइनान्स ९.९८, कर्पोरेट डेभलपमेन्ट बैंक ९.८७, सनराइज फस्ट म्युचुअल फण्ड ९.७७, हिमालयन ऊर्जा विकास कम्पनी ९.६७, सिद्धार्थ बैंक ६.८२, नेपाल बैंक ५।४२, ग्लोबल आइएमई बैंक ४.६२ र एनएमबी बैंकका लगानीकर्ताले ४.२२ प्रतिशतले कमाए ।
यसैगरी, साधाना लघुवित्त ६.१५, पाँचथर पावर कम्पनी ५.६६, बरुण हाइड्रोपावर ५.५६, स्वाभिमान लघुवित्त ५.०६, माहुली सामुदायिक लघुवित्त ४.७४, माउण्टेन हाइड्रो ४.५५, गुर्खाज फाइनान्स ४.१९, एचआइडीसीएल ४.०८, ङादी ग्रसप ४.०८ र बोटलर्स नेपाल तराई नेपालका लगानीकर्ताले गुमाए ।
किन त बैंकको शेयरमा आकर्षण ?
नेपाल राष्ट्र बैंकले मौद्रिक नीतिको समिक्षा गर्दै आगामी चैत मसान्तसम्म व्याजदरमा कुनै परिवर्तन नगर्ने संकेत गरिसकेको छ । राष्ट्र बैंकको शुभसंकेतपछि लगानीकर्ता बैंक तथा वित्तीय संस्थाको शेयरमा उत्साही भएर लगानी गरिरहेका छन् । अन्य कम्पनीको तुलनामा बैंकको शेयर केही समुह वा व्यक्तिले चाहँदैमा बढ्ने वा घट्ने संभावना न्यून हुन्छ ।
सुस्तरी बढीरहेको बैंकिङ समुहको शेयरमा अहिले लगानी गरेर केही समयपछि राम्रो नाफा बुक गर्न सकिने एक लगानीकर्ताले नेपालबहसलाई बताए । उनले बैंकको शेयर धितो नै राखेर कर्जा लिनु परेपनि अन्य कम्पनीमा जस्तो एकाएक बढ्ने र एकाएक घट्ने समस्या नहुने बताए । यसकारण बैंकको शेयर किनेर धितो राख्ने तथा वित्तीय संस्थाबाट शेयर कर्जा निकाल्दा पनि तारन्तार मार्जिन कल आउने संभावना कम नै रहन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
आज नेप्सेमा दोहोरो अङ्कको गिरावट
चैत १४, २०८० बुधबार
प्रि-ओपन सेसनमा नेप्से सामान्य बढ्यो
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
पोखराको पर्यटन प्रवर्द्धन गर्न वाणिज्य संघको जिल्ला यात्रा
चैत १६, २०८० शुक्रबार
सुनको मूल्यमा नयाँ रेकर्ड, १ लाख ३० हजारमा कारोबार
चैत १६, २०८० शुक्रबार
अग्नी रेखा निर्माण गर्दै उपभोक्ता
चैत १६, २०८० शुक्रबार
सगरमाथा क्षेत्रमा याकमार्फत सामान ढुवानी
चैत १६, २०८० शुक्रबार
नयाँ शैक्षिक सत्रका लागि पाठ्यपुस्तक
चैत १६, २०८० शुक्रबार
मार्फा खोलामा बाढीले यातायात प्रभावित
चैत १६, २०८० शुक्रबार