अन्सारीको निधन प्रति कोईरालाद्धारा दुःख व्यक्त

५ फागुन, काठमाडौं । नेपाली कांग्रेसका आमन्त्रित केन्द्रीय सदस्य हसन अन्सारीकी धर्मपत्नि मलिका बेगम अन्सारीको असामयिक निधन प्रति नेपाली कांग्रेसका प्रभावशाली नेता डा. शेखर कोईरालाले गहिरो दुःख ब्यक्त गरेका छन् ।

नेता अन्सारीको परिवारमा घटेको यो बज्रपातले मलाई अत्यन्तै मर्माहत र श्तब्ध बनाएको छ । डा. कोईरालाले भनेका छन् “मेरा परम मित्र एवं नेपाली कांग्रेसका आमन्त्रित केन्द्रीय सदस्य हसन अन्सारीकी धर्मपत्नि मलिका बेगम अन्सारीको निधनले दुःखी र स्तब्ध बनाएको छ ।” शोकको यस दुःखद घडिमा हसन अन्सारी लगायत समस्त अन्सारी परिवारमा हार्दिक समबेदना ब्यक्त गर्न चाहान्छु ।

नेता डा. कोईरालाले अन्सारी परिवारमा पर्न गएको अकल्पनिय यस बज्रपातलाई सहन गर्न सक्ने शक्ति परमेश्वरसँग माग्दै स्व. मलिका अन्सारी प्रति हार्दिक श्रद्धाञ्जली अर्पण गरेका छन् ।