राससको हीरक वर्ष,के भन्छन् पूर्वसञ्चारमन्त्रीहरु ?
नेपालबहस संवाददाता
फागुन ५, २०७७ बुधबार १८:५५:५१
५ फागुन,काठमाडौं । पूर्वसूचना तथा सञ्चारमन्त्रीहरुले सबै नेपालीको साझा सम्पत्ति राष्ट्रिय समाचार समिति(रासस) ले अहिलेको परिस्थितिमा स्वतन्त्र र तटस्थ भई सन्तुलित र वस्तुनिष्ठ समाचार सम्प्रेषण गरी अझ बढी महत्वपूर्ण भूमिका खेल्नुपर्ने बताएका छन् । स्थापनाकालदेखि अहिलेसम्म राससबाट तथ्यमा आधारित सही समाचार सङ्कलन र सम्प्रेषण हुन्छ भन्ने आमजनतामा रहेको विश्वास र भरोसालाई कायम राख्न व्यवस्थापन र कार्यस्थलमा खटिने प्रतिनिधिले नवीनतम प्रविधिको प्रयोग गर्दै वास्तविक समाचार ठीक समयमै आफ्ना ग्राहकमार्फत पु¥याउन उनीहरुले सुझाव दिएका छन् ।
तत्कालीन प्रधानमन्त्री मनमोहन अधिकारीको नेतृत्वमा २०५१ सालमा गठन भएको मन्त्रिमण्डलमा सूचना तथा सञ्चारमन्त्री रहेका प्रदीपकुमार नेपालले रासस आफ्नो स्थापनाको हीरक वर्ष प्रवेश गरिरहेका सन्दर्भमा राखिएको जिज्ञासामा बदलिँदो परिस्थितिमा राससको दायित्व अहिले झन् बढेको प्रतिक्रिया दिएका छन् ।
उनले भने, “राससले आफूमा बढेको दायित्वलाई महसूूस गर्न भने सकिरहेको छैन भन्ने लाग्छ, रासस व्यवस्थापनले मातहतका कार्यालय र समाचारदातालाई उपयुक्त वातावरण र नवीनतम प्रविधिमैत्री बनाउँदै आफना ग्राहकमार्फत सकारात्मक भाव जगाउने सन्तुुलित र तथ्यपरक समाचार सम्प्रेषण गर्नुपर्छ । संस्था आत्मनिर्भर हुने काममा लाग्नुपर्छ ।”
निजी क्षेत्रबाट सञ्चालित नेपाल संवाद समिति र सगरमाथा संवाद समितिलाई गाभेर मुलुकमा सरकारी सञ्चारमाध्यमका रुपमा विसं २०१८ फागुन ७ गते राष्ट्रिय संवाद समिति अर्थात् रासस स्थापना भएको हो । समितिले मुलुकका सातै प्रदेश कार्यालय, केही स्थानमा रहेका जिल्ला कार्यालय र देशका सबै जिल्लामा नियुक्ति पाएका आफ्ना प्रतिनिधिमार्फत सङ्कलित समाचार ग्राहकमार्फत जनतासमक्ष सम्प्रेषण गर्दै आएको छ । राससका प्रतिनिधिले शहरी क्षेत्रका मात्र समसामयिक मात्र होइन, दूरदराजमा पुगी खोजी गरी ल्याएका खोजमूलक समाचार, आलेख, श्रव्यदृश्य र तस्वीर छापा, रेडियो, टेलिभिजन र पछिल्लो समय विस्तार हुँदै गएको अनलाइन सेवाका लागि महत्वपूर्ण खुराक बनिरहेको छ ।
त्यस्तै पूर्वसञ्चारमन्त्री मोहनबहादुर बस्नेतले निजी क्षेत्रका सञ्चारमाध्यमबाट आफ्नो धारणा बनाएर आउने जस्तो नभई समितिबाट सम्प्रेषित सूचना र समाचार सही हुने, स्वतन्त्र हुने, सरकारको भनाइसँग सम्बन्धित हुन्छ भन्ने आमनागरिकको बुझाइ रहेकाले प्रतिनिधिसभा भङ्ग भई राजनीतिक अस्थिरता बढेका बेला राससबाट सन्तुलित र तथ्यपरक समाचार सम्प्रेषित हुन सके सबैलाई आफ्नो धारणा बनाउन सजिलो हुने बताएका छन् ।
सबैको साझा सम्पत्ति भएकाले आमसञ्चारका माध्यम र समाचारको दुनियाँमा स्थापनाकालदेखि नै रहेको गरिमामय स्थानलाई जोगाउन सत्ता र प्रतिपक्ष राजनीतिक दलको मात्र नभई सम्पूूर्ण नेपालीले अपनत्वको अनुुभूूति गर्ने ढङ्गबाट समाचार सम्प्रेषण गर्न सुझाव दिँदै उनले भने, “पछिल्लो समय सरकारको गुनगान गाउनेबाहेक अरु कुराका लागि अलि नियन्त्रण गर्न खोजिएको हो कि भन्ने देखिएको छ, यदि त्यो साँचो हो भने अन्त्य हुनुपर्छ ।”
सरकारकै विरुद्धमा लेख्दा पनि आफू सञ्चारमन्त्री हुँदा कसैलाई कारवाही नगरिएको जनाउँदै पूर्वमन्त्री बस्नेतले भने, “नामै काफी छ, ‘राष्ट्रिय समाचार समिति’ देशभर सूचना तथा समाचार सङ्कलन गर्ने अङ्ग, संरचना र सामथ्र्य छ, स्वदेशी होस् वा विदेशी, सबै खालका समाचारलाई व्यवस्थित र भरपर्दो ढङ्गबाट समाचार सम्प्रेषण गर्न सक्छ भन्ने जनतामा छाप परेको छ, सरकारले दिएको सूचना कसरी गलत हुन्छ भन्ने छ तर स्वतन्त्र दृष्टिकोणबाट हेर्दा सरकारको हस्तक्षेप बढ्यो भने राससप्रतिको भरोसामा कमी आउन सक्छ । ’
त्यसैगरी पूर्वसूचना तथा सञ्चारमन्त्री जयप्रकाशप्रसाद गुप्ताले खारिएका र व्यावसायिक पत्रकारको संस्थाका रुपमा रहेको राससको अहिलेको अवस्थामा भूूमिका अझ बढेको बताएका छन् । उनले भने, “मुलुकमा स्वच्छ, स्वतन्त्र, निष्पक्ष र वस्तुुनिष्ठ समाचार सम्प्रेणको नेतृत्व राससबाट हुँदै आएको छ, कहिलेकाहीँ सरकारको दवाव आउन सक्छ तर त्यस्तो परिस्थितिमा पनि राससले आमजनताको हित र मनसाय बुुझी सन्तुुलित र वस्तुुनिष्ठ समाचार सम्प्रेषण गर्न सक्नुपर्छ ।”
अर्थाभावका करण संस्थाको कामकाजका लागि सजिलो होस् भनी निर्माण गरिएका कतिपय स्थानका भवन भाडामा दिएर खर्च जुटाउनु परेको परिस्थितिप्रति पूर्वमन्त्री गुप्ताले सहानुभूति प्रकट गरे । उनले भने, “राससको समग्र श्रीवृद्धिका लागि विगतमा आफूले पनि भरमग्दुर प्रयास गरेको, व्यावसायिक र स्वतन्त्र रुपमा काम गर्ने वातावरणमा अप्ठेरो स्थिति खडा हुनुहुुन्न भन्नेमा पनि आफू सधैँ सजग र सचेत रहेको थिएँ । राससलाई प्रविधिमैत्री बनाउने कुुरामा सरकारले विशेष ध्यान पु¥याउनपर्छ, सहयोग गर्नुपर्छ ।”
राससप्रति जनताको ठूलो आशा एवं भरोसा रहेको र आमनेपाली जनताको सूचना प्राप्त गर्ने साझा सम्पत्ति भएकाले यसको सुदृढीकरण र विकासमा राज्यले विशेष ध्यान पु¥याउनु आवश्यक रहेको धारणा पनि उनले व्यक्त गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआइतबारदेखि मौसममा क्रमिक सुधार हुने
चैत १६, २०८० शुक्रबार
कस्तो छ आजको मौसम ?
चैत १५, २०८० बिहिबार
महिला ‘गाइड’लाई ‘रेस्क्यू’ सम्बन्धी तालिम
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
सर्वोच्चले गरिदियो कांग्रेस सांसद गुरुङको निलम्बन फुकुवा
चैत १६, २०८० शुक्रबार
आयरल्याण्ड वोल्भ्सविरुद्ध लोकेश बमको शतक
चैत १६, २०८० शुक्रबार
बागमती प्रदेशस्तरीय भलिबल प्रतियोगिता हुने
चैत १६, २०८० शुक्रबार
नयाँ शैक्षिकसत्र सुरु नहुँदै म्याग्दीमा पाठ्यपुस्तक भित्रियो
चैत १६, २०८० शुक्रबार
मन्त्रीहरुलाई राष्ट्रिय सभामा उपस्थित हुन निर्देशन
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार