मुल्यवृद्धि विरुद्ध थाल ठटाएर सरकारको विरोध

५ फागुन, काठमाडौं । इन्धनको मुल्यवृद्धि विरुद्ध माइतीघरमा थाल ठटाएर प्रदर्शन गरिएको छ । पेट्रोलियम पदार्थको मुल्यवृद्धिको विरोधमा जनता समाज पार्टी ‘जसपा’ निकट विद्यार्थीहरुले माइतीघर मण्डलामा बुधबार थाल ठटाएर प्रदर्शन गरेका हुन् ।

थाल र चम्चा बजाउँदै विद्यार्थीहरुले प्रतिगामी सरकार मुर्दावाद, पेट्रोलियम पदार्थको मुल्य वृद्धि फिर्ता गर लगायतका नारा लगाउँदै प्रदर्शन गरेका हुन् ।

समाजवादी विद्यार्थी युनियनको आयोजनामा भएको विरोध प्रदर्शनमा उनीहरुले सडकमा ग्यास सिलिन्डर राखेर सरकारको विरोध गरेका थिए ।