भारतमा बीच सडकमा कुटपिट गरी वकिल दम्पतीकाे हत्या !

६ फागुन, एजेन्सी । भारत तेलंगानाको पेड्डापल्ली जिल्लामा अज्ञात समूहले कुटपिट गरी एक नामुद वकील दम्पतीको बीच सडकमै हत्या गरेको छ । वमन राव पत्नीसँग तेलंगाना उच्च अदालतमा अभ्यास गर्थे ।

पेड्डापल्ली जिल्लाको मन्तनी मण्डलको गन्जापडुगुमा उनको पुर्ख्यौली घर रहेको बीबीसी हिन्दीले उल्लेख गरेको छ । मन्तनी अदालतमा काम सकेर हैदराबाद फर्किँदै गरेका बेला उनीहरूमाथि आक्रमण भएको थियो ।

गम्भीर घाइते अवस्थामा फेला परेका उनीहरूलाई अस्पताल लैजाँदालैजाँदै बाटैमै मृत्यु भएको भारतीय प्रहरीले जनाएको छ । सामाजिक सञ्जालमा सेयर भइरहेको भिडियोमा एक व्यक्तिले उनीहरूमाथि कुटपिट गर्दै चक्कु प्रहार गरिरहेको देखिएको छ ।