हरियो मैनबत्तिसँगै बन्द भएको बजारलाई आइतबार निफ्राको कारोबारले असर गर्छ ?

६ फागुन, काठमाडौं । नेपाल स्टक एक्सचेन्ज (नेप्से) आज २५ दशमलव २३ अंकले बढ्दै २६३६ दशमलव ६८ बिन्दुमा पुगेर बन्द भएको छ । कुल २०६ कम्पनीको कारोबार भएको आज आठ अर्ब ७६ करोडको कारोबार भएको छ । १ करोड ९६ लाख कित्ता शेयर किनबेच हुँदा बजार पुँजीकरण ३६ खर्ब ३३ अर्ब भएको छ ।

आज ८ वटा कम्पनीको शेयरमुल्य ९ प्रतिशत भन्दा धेरै बढेको छ । नेशनल हाइड्रो डेभलपर, एभरेष्ट बैंकको अग्राधिकार शेयर, कर्णाली डेभलपमेन्ट बैंक, बेष्ट फाइनान्स, सिभिल बैंक, नेपाल इन्फ्राइस्ट्रक्चर बैंक, समृद्धी फाइनान्स, ग्रीन डेभलपमेन्ट बैंक, चन्द्रागिरी हिल्स, हिमालयन पावर लगायतको मुल्य पनि १० प्रतिशतले बढेको छ।

नेपाल इन्फ्रास्ट्रक्चर बैंक (निफ्रा) को शेयर मूल्य आज पनि १० प्रतिशतले बढेर लगातार पाँचौं दिन सर्किट लागेको छ। त्यस्तै, जम्मा ८ करोड रुपैयाँ मात्रै नाफा गरेको सिभिल बैंकको सेयर मूल्य पनि आज १० प्रतिशतले बढ्दै सर्किट लाग्दै बन्द भएको छ । सिभिलको ११ लाख ८७ हजार कित्ता शेयर किनबेच हुँदै आज कारोबार भएको कम्पनीको एक नम्बरमा पर्न सफल भएको छ ।

आज मूल्य बढेर सर्किट लाग्ने अधिकांश कम्पनीको सेयर मूल्य भने ३०० रुपैयाँभन्दा थोरै नै रहेको छ । आज सर्वाधिक मुल्य बढेका १० कम्पनीहरुः जसलाई तल प्रस्तुत गरिएको छ ।

त्यस्तै आज सर्वाधिक मुल्य घटेका १० कम्पनीहरु : जसलाई तल प्रस्तुग गरिएको छ ।

सबैभन्दा धेरै शेयर कारोबार भएका कम्प्नीहरु :
आज वाणिज्य बैंकको शेयर उच्च कारोबार भएको छ । एनआइसी एशिया बैंकको सबैभन्दा धरै ५६ करोड १ लाख रुपैयाँ बराबरको कारोबार भएको छ भने नेपाल इन्फ्रास्टक्चर बैंकको ५० करोड ८२ लाख, सिभिल बैंकको २८ करोड ३८ लाख, ग्लोबल आइएमई बैंकको २६ करोड ९६ लाख रुपैयाँ, नबिल बैंक २६ करोड दुई लाख, रुपैयाँको शेयर कारोबार भएको छ त्यस्तै नेपाल टेलिकम, एभरेष्ट बैंक, नेपाल बैंक, नेपाल लाईफ इन्स्योरेन्स र मेगा बैंकको शेयर टपटेन भित्र कारोबार भएको छ । जसलाई तल प्रस्तुत गरिएको छ ।

के निफ्रा नै निर्णायक हो त ?
बैंकहरुमध्ये कान्छो तर दोस्रो बजारमा कारोबार भएको मुल्य नै प्रभाव पार्न सक्ने क्षमता निफ्राले बनाएको छ । दोस्रो बजारमा कारोबार खुलेदेखि नै खरिदकर्ताको चाप रहेको निफ्राको कारोबारले आइतबारको कारोबार प्रभावित पार्ने अनुमान लगाउन सकिन्छ । आइतबारको कारोबारमा यदी आजको स्थिति देखियो भने सुरुदेखि नै बजार बढ्ने अनुमान लागाउन सकिन्छ । आज बजार बन्द हुँदा हरियो मैनबत्तिको सिग्नल बनाएको छ । बैंकहरुको शेयर मुल्य बढ्नु सकारात्मक पक्ष रहेको छ ।