गण्डकी प्रदेश मगर बिद्यार्थी संघको संयोजकमा सञ्जय आले निर्वाचित

७ फागुन, पोखरा । नेपाली कांग्रेसको भातृसंस्था नेपाल मगर संघको गण्डकी प्रदेश भेलाले सञ्जय आले मगर लभसानको संयोजकत्वमा राष्ट्रिय मगर बिद्यार्थी संघ गण्डकी प्रदेश समिति गठन गरेको छ । हिजो विहीबार सम्पन्न सो भेलाले आलेलाई सर्वसम्मत संयोजक चयन गर्दै २३ सदस्यीय कार्य समितिको गठन गरेको हो ।

पृथ्वीनारायण क्याम्पस पाेखरामा स्नातक प्रथम बर्षमा अध्ययनरत लभसान नेपाल बिद्यार्थी संघका सक्रिय कार्यकर्ता हुन् । पूख्यौली घर स्याङ्जा रहेका आलेले आफूले पाएको जिम्मेवारीलाई नेपाली कांग्रेस र मगर बिद्यार्थीको हितमा सक्दो प्रयोग गर्ने बताए ।

मगर समुदायका युवा बिद्यार्थीहरुलाई नेपालको एकमात्र लोकतान्त्रिक पार्टी नेपाली कांग्रेसमा गोलबद्ध गर्ने अभियानमा लाग्ने बताउँदै लभसानले गण्डकी प्रदेशभरमा नेपाली कांग्रेसलाई अझ दरिलो र प्रभावकारी पार्टी बनाउने प्रतिबद्धता व्यक्त गरेका छन् ।

नेपाल तरुण दल स्याङ्जाको नेता एवं युवा व्यवसायी अनिल खाँड ठकुरीले लभसानलाई कार्यकाल सफलताको शुभकामना दिदै आफ्नो तर्फबाट पनि सक्दो सहयोग गर्ने बताए ।

गण्डकी प्रदेश मगर संघका अध्यक्ष बमबहादुर पुन मगरको अध्यक्षतामा भएको हिजोको सम्मेलनमा नेपाली कांग्रेसका सभापति शेरबहादुर देउवा र वरिष्ठ नेता रामचन्द्र पौडेल सहभागी भई शुभकामना प्रकट गरेका थिए ।