महाशिला गाउँपालिकाको स्थायी केन्द्र परिवर्तन गरिने
नेपालबहस संवाददाता
फागुन ७, २०७७ शुक्रबार २०:१९:३८
७ फागुन, पर्वत । सङ्घीयता कार्यान्वयनसँगै स्थानीय तह गठन भएपछि वडा नं ३ बालाकोटमा तोकिएको पर्वतको महाशिला गाउँपालिकाको स्थायी केन्द्र परिवर्तन गरिने भएको छ । गाउँपालिकाको नवौं गाउँसभाले पालिकाको स्थायी मुख्य केन्द्र साविक वडा नं ५ लुङ्खुदेउराली र वडा नं ३ बालाकोटको सिमानामा पर्ने काफलडाँडा र ठूलास्वाँरामा बनाउने निर्णय गरेको हो । गाउँपालिकाको मुख्य प्रशासनिक कार्यालयका दुईवटा भवन काफलडाँडा र ठूलास्वारामा निर्माण गर्ने निर्णय गाउँसभाले गरेको महाशिला गाउँपालिकाका अध्यक्ष राजुप्रसाद पौडेलले जानकारी दिए ।
हाल गापाको काम साविक वालाकोटको गाविस भवनवाट सेवा प्रवाह गरिँदै आएको छ । उक्त कार्यालय साँघुरो र नयाँ संरचना बनाउने ठाउँसमेत पर्याप्त नहुँदा दैनिक कार्यसम्पादनमा समस्या पर्दै आएको छ । काफलडाँडा र ठूलास्वाँरामा नौ रोपनी जग्गा रहेको छ । प्रदेश र सङ्घीय सरकारको सहयोगमा बन्ने प्रशासनिक भवनका लागि गाउँसभाले स्रोतको सुनिश्चितता गर्ने निर्णयसमेत गरेको अध्यक्ष पौडेलले जानकारी दिए । “हामीले नयाँ प्रशासनिक भवन निर्माणका लागि स्रोतको सुनिश्चिततासमेत गरेका छौँ”, उनले भने, “वडा नं ३ कै काँफलडाँडा र सँगै जोडिएको ठूलास्वाँरामा भवन बनाउँदा सबैलाई पायक पर्ने भएकाले गाउँसभाले सर्वसम्मत निर्णय गरेको हो ।”
त्यसैगरी गाउँसभाले १५ श्ययाको पालिकास्तरीय आधारभूत अस्पताल निर्माणका लागि डिपिआर तयार गर्ने निर्णय गरेको छ । उक्त अस्पतालको गएको मंसिर १५ गते शिलान्यास भइसकेको छ । गाउँसभाले बालाकोट स्वास्थ्यचौकीको भवन निर्माणसम्बन्धी जग्गा प्रस्तावसमेत अनुमोदन गरेको छ । राजस्वका दरमा परिवर्तन, घर जग्गाको नक्सा पासको दस्तुर निर्धारण गर्ने निर्णयसमेत गाउँसभाले गरेको अध्यक्ष राजुप्रसाद पौडेलले जानकारी दिए।
गाउँसभामा जनप्रतिनिधि निर्वाचित भएदेखि हालसम्म गरेका कामको बारेमा स्वेतपत्र प्रस्तुत गरिएको छ । उक्त स्वेतपत्रमा आवश्यक सुझाव तथा प्रतिक्रिया लिएपछि सार्वजनिक गरिने अध्यक्ष पौडेलले जानकारी दिए । गाउँपालिकाको समृद्धि र विकासका लागि के के काम भए र अब गर्नुपर्ने मुख्य काम के के छन् भन्ने विषयवस्तु समेटेर स्वेतपत्र जारी गरिएको उनले बताए ।
गाउँसभाले केही आर्थिक तथा विनियोजन ऐन परिमार्जनको प्रस्ताव पारित गरिएको भने भने केही बजेट संशोधनसमेत गरिएको गाउँपालिकाका प्रवक्ता जीवनविक्रम उच्चैले जानकारी दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार
पाथीभरा क्षेत्रमा मदिरा बिक्री तथा सेवनमा प्रतिबन्ध
बैशाख ७, २०८१ शुक्रबार
नवलपुरका महिलाको आत्मनिर्भरको श्रोत घरबास
बैशाख ७, २०८१ शुक्रबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
सुधारिनेभन्दा झन् अराजक बाटोमा डौडिरहेको राजनीतिलाई कसले बाटोमा ल्याउने ?
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार
वीरगञ्ज भन्सारद्वारा आठमहिनामा एक खर्ब १४ अर्ब राजस्व संकलन
बैशाख ८, २०८१ शनिबार